Ачуланганда нишләргә?

«Хозур дин турында» телеграм-каналында ачуланганда үзеңне ничек тотарга икәнен аңлаталар.

Бер сәхабә Расүлебездән саллаллаһү галәйһи вә сәлләм: «Миңа нәсыйхәт бир әле, йә Расүлуллаһ!» – дип сораган. Расүлебез: «Ачуланма», – дип җавап биргән.

Расүлебезнең саллаллаһү галәйһи вә сәлләм хәдисләренә таянсак, без бу халәттән котыла алачакбыз.

Ачуны туктата торган сүзләр бар.

Расүлебез ачуы чыккан кешегә: «Әгууз̣ү билләәһи минәш-шәйтаанир-раҗиим», – сүзләрен әйтергә кушкан.⠀

Тәһарәт алу. Расүлебез саллаллаһү галәйһи вә сәлләм: «Хакыйкатьтә, ачу килү – шайтаннан, ә шайтан уттан яратылган. Утны су белән сүндерәләр, шуңа күрә ачуы чыккан кеше тәһарәт алсын», – дигән.

Хакыйкый көч. Расүлебез саллаллаһү галәйһи вә сәлләм: «Көрәштә җиңүче түгел, ә ачу чыкканда үзен тыеп калучы көчле», – дип әйткән.

Ачуны тыйган өчен бирелә торган әҗер-савап. Расүлебез саллаллаһү галәйһи вә сәлләм: «Ачуы чыгып, нидер башкара алганда үзен тыеп калган кешенең йөрәген Аллаһы Тәгалә Кыямәт көнендә канәгатьләнү хисләре белән тутырачак», – дигән.

Дәшмәү. Расүлебез саллаллаһү галәйһи вә сәлләм: «Берәрегезнең ачуы чыкса – дәшмәсен», – дигән.

Эмоцияләрне хәрәктләргә күчерү. Расүлебез саллаллаһү галәйһи вә сәлләм: «Ачуың чыкканда басып торсаң – утыр, утырып торганда ачуың чыкса – ят», – дигән.