«Голос.Дети» финалисты булган Түбән Кама кызы «Голубой огонек»та чыгыш ясаячак
«Голос. Дети» шоуының 12 нче сезоны финалисты Түбән Кама кызы Арина Кияшко «Беренче» каналдагы «Голубой огонек»та катнашачак. Бу хакта «Татар-информ» яза.
Без «Голос. Дети» проектының барлык финалистлары белән бергә «Беренче» каналдагы «Голубой огонек»та «Буратино» җырын башкардык. Эмоцияләр, әлбәттә, ташып тора! Безне Яңа ел төнендә карагыз! – дип сөйләгән яшь җырчы.
14 яшьлек Арина Кияшко көз көне «Голос. Дети» шоуында сайлап алу этабын уңышлы үтеп, остаз Аида Гарифуллина командасын сайлаган иде, ә финалда тамашачыларның 35,6% тавышын җыеп, икенче урынны яулады.
Арина Кияшко белән тулы эксклюзив интервьюны – аның проекттан соңгы тормышы, иҗади планнары һәм композитор Игорь Крутой белән очрашуы турында – 10 гыйнварда «Татар-информ» сайтында укыгыз.