Кертемнәр буенча уртача максималь ставка кимеде

Россиядә кертемнәр буенча уртача максималь ставка 16,44 процентка төште. Бу турыда РИА Новости яза.

Физик затларның рубльләрдә депозит күләмен иң күп җәлеп итүче 10 банкта кертемнәр буенча уртача максималь ставка 0,78 пунктка – еллык 16,44 процентка кадәр кимеде, диелә Россия Банкы материалларында.

Уртача ставканың тарихта иң югары күрсәткече былтыр декабрьдә теркәлде – 22,28%, а рекордлы түбән ставка 2020 елның октябрендә 4,33% булды.

Күзәтелгән банклар исемлегенә «Сбербанк», «ВТБ», «Газпромбанк», «Альфа-банк», «Россельхозбанк», «Почта банк», «Московский кредитный банк», «Т-Банк», «ПСБ», «Совкомбанк» керде, диелә хәбәрдә.