Татарстанда кар көртләре биеклеге 95 сантиметрга җиткән
Татарстанда көчле кар явудан соң көртләрнең биеклеге 95 сантиметрга җитте. Бу хакта «Фобос» һава торышы үзәгенең әйдәп баручы белгече Евгений Тишковец хәбәр итте.
Ул мондый күрсәткечләр Карамалы Тау бистәсендә теркәлүен һәм ил буенча иң югары күрсәткечләрнең берсе булуын әйтте. Бу турыда РИА Новости яза.
Белгеч сүзләренчә, иң биек кар көртләре Киров өлкәсендә күзәтелгән: Нолинск шәһәрендә аларның биеклеге 111 сантиметрга җиткән. Башкортстанның Бакалы авылында кар катламы 108 сантиметр тәшкил иткән, шундый ук күрсәткеч Губаха шәһәрендә дә теркәлгән.
Түбән Новгород өлкәсенең Шахунья шәһәрендә көртләр 96 сантиметрга кадәр үскән. Удмуртиядә — Чабаксар шәһәрендә — 91 сантиметр кар теркәлгән, ә Рязань өлкәсенең Старожилово бистәсендә — 72 сантиметр.
Тишковец шулай ук Мәскәүдә соңгы кар явулардан соң кар катламының биеклеге климатик нормадан 20 процентка артыграк булуын билгеләп үтте, диелә хәбәрдә.