Իրանը մտադիր է մինչեւ 2019թ. եռապատկել բնական գազի մատակարարումը ՀՀ
Իրանը ծրագրում է առաջիկա տարիներն ավելացնել բնական գազի մատակարարումը Հայաստան՝ օրական 1 մլն խմ-ից այն հասցնելով 3 մլն խմ-ի:
Այս մասին հայտարարել է Իրանի նավթի նախարար Նամդար Զանգենեն իրանական Press TV հեռուստաալիքի եթերում:
Ինչպես հաղորդում է ռուսական «ՏԱՍՍ» գործակալությունը, ՀՀ էներգետիկայի եւ բնական պաշարների նախարար Լեւոն Յոլյանի հետ Թեհրանում կայացած հանդիպումից հետո Իրանի նախարարը տեղեկացրել էր, որ այս քայլին իրենք գնում են Երեւանի խնդրանքով:
«Հայկական կողմի խնդրանքով մինչեւ 2018թ. վերջը ծրագրում ենք ավելացնել գազի արտահանումը՝ հասցնելով օրական 3 մլն խմ-ի»,- նշել է Նամդար Զանգենեն: