Ծիրանի արտահանումը նվազել է
Այսօրվա դրությամբ Հայաստանից արտահանվել է շուրջ 18,3 հազ. տոննա ծիրան` նախորդ տարվա նույն ժամանակահատվածի 20,2 հազ. տոննայի համեմատ (-9,4%):
Ինչպես տեղեկացրել են գյուղնախարարության մամուլի ծառայությունից, հայկական ծիրանը հիմնականում արտահանվել է Ռուսաստան, Վրաստան եւ Բելառուս։
Հիշեցնենք, որ եղանակային անբարենպաստ պայմանների պատճառով այս տարի ակնկալվում էր ծիրանի ցածր բերք, սակայն գյուղատնտեսության նախարարությունն ավելի ուշ հայտարարեց, որ այդ կանխատեսումներն իրական չեն, եւ ակնկալվում է ավելի քան 60 հազ. տոննա ծիրանի բերք: Համեմատության համար նշենք, որ 2015թ. այդ ցուցանիշը կազմել էր 116 հազ. տոննա: