Joriy yil iyuni boshlarida Moskvadan qallig‘i bilan birga politsiya va fsbchilar tomonidan o‘g‘irlab ketilgan andijonlik Shohnazar Kazakov Checheniston poytaxtida topildi. Grozniydagi Xorij vatandoshlarini saqlash markazida qolayotgan 29 yashar Shohnazar chechen qizga uning ota-onasi ruxsatisiz uylangani uchun Rossiyadan deportatsiya qilinishini kutmoqda. “Memorial” advokatlari buni Checheniston uchun “odatiy hol” ekanini ta’kidlamoqda.
