ՊԵԿ-ում մեքենաների մաքսազերծման համար կգործի թեժ գիծ
Ավտոմեքենաների մաքսային արժեքի վերաբերյալ տեղեկատվությունն այսուհետ կարելի է ստանալ նաեւ ՀՀ Պետական եկամուտների կոմիտեի (ՊԵԿ) հեռախոսազանգերի սպասարկման կենտրոնից:
«Հաշվի առնելով հանրային հետաքրքրությունը Հայաստան ներմուծվող ավտոմեքենաների մաքսային արժեքի որոշման խնդրի նկատմամբ՝ ՊԵԿ-ի նախաձեռնությամբ քաղաքացիներն ավտոմեքենաների մաքսազերծման արժեքի եւ մաքսազերծման վճարների չափի վերաբերյալ տեղեկատվություն կարող են ստանալ՝ զանգահարելով 060 54 44 44 հեռախոսահամարով»,- հայտնել են կոմիտեի մամուլի ծառայությունից: