Республикань социальной ды экономикань кастомга программань коряс Мордовиясо поладови промышленно-производственной лувонь коряс экономикань башка зонань теемась (эрзя)
Мордовия Республикань Прявтонть промкссо кортнезель «Светотехника» индустриальной парконть инженерной инфраструктурань кепетемась. Паркось ашти “Лисма” заводонь производствань таркатнесэ, конат а нолдавить тевс. Технологиянь од производствань площадканть нолдамга, эряви пештямс сонзэ инжнерной од коммуникациясо. Инженерной сеттнес проектэнь-сметань тевконёвтне уш анокстазь ды кучозь госэкспертизас. Сынст коряс арсеви стявтомс валыпиземень ванськавтомань сооружения марто канализация, ведень максомань, ведень ветямонь, газонь, валдомтомань, телекоммуникациянь сетть ды кить. Ледстясынек, индустриальной парконть тееманзо вельде “Лисма” заводонь производствань таркатнень одс нолдамось арсеви Мордовиянь социально-экономической касомань программанть вельде, кона топавтови 2026-це иес. Инвестициятнень арсевиця покшолмась – 19 милиардто ламо целковойть. Медьковсто арсеви кундамс сеттнень стявтомантень. Инженерной инфраструктурань коряс важодемань весе тевтнень – прядомат 2026-це иестэ.