Мордовия республикава внутренней тевень министрась Юрий Поляков ваннызе сводной отрядонть важодеманзо, конась вети служба Северокавказской регионсо (эрзя)
Северокавказской федеральной округов служебной командировканть лувсо Мордовия республикава внутренней тевень Министрась полициянь генерал-майорось Юрий Поляков якась Россиянь МВД-нь СКФО-со Прявт управлениянь прявтонть генерал-полковникенть Сергей Байчурин марто. Ветицятне кортавтызь талновтыця кевкстематнень, конат сюлмавозь полициянь сводной отрядонь личной составонь служебной тевдееманть марто. Башка мель явозель вейсэнь тевдеемань ладямонтень, регионсонть правопорядоконь ды общественной сэтьмечинь топавтомань коряс важодемань лувтнень одкстомтомантень. Мордовия республикава внутренней тевень Министрась Юрий Поляков теевсь содавиксэкс Мордовиянь полициянь сводной отрядонь службань условиятнень марто. Ведомствань прявтось ваннынзе оперативно-служебной тевтнень топавтоманть, санитарной лувонть ды нурька шкань дислокациянь пунктонь нупальтнесэ противопожарной режимень топавтоманть. Отрядонь личной составонть марто кортамсто Министрась тешкстызе, сотрудниктне, служебной командировкасо улемстэ, парсте кандыть службанть ды топавтыть весе аравтозь тевтнень. Полициянь генерал-майорось путсь цецят служебной тевтнень топавтомсто маштовозь сотрудниктнень ледстнемань мемориальной лазонтень.
Служебной тевтнень вадрясто топавтоманть, покш ёрокчинть кисэ, конат невтезь служебной долгонь топавтомсто, Мордовиянь МВД-нь прявтось явшесь СОП-нь боецтнэнень ведомствань казнеть.