Նա հասցրեց նկարահանվել ընդամենը 2 ֆիլմում, ինչից հետո ասես անէացավ։ Եվգենյա Գարկուշան՝ վառ, տաղանդավոր ու երջանիկ մի դերասանուհի, անհետացավ էկրաններից, ազատվեց Մոսսովետի թատրոնից ու հեռացավ իր համար երկու ամենաթանկ մարդկանց՝ ամուսնու՝ Պյոտր Շիրշովի, ու մեկուկեսամյա դստեր՝ Մարինայի կյանքից։ Նրա անունը մոռացության մատնվեց, և միայն տարիներ անց արդեն մեծացած Մարինա Պետրովնա Շիրշովային հաջողվեց վերականգնել մոր զոհվելու հանգամանքները՝ ըստ հոր օրագրի գրառումների։