La Lhéngua de l Coraçon: Parlamento oubiu mirandés hai 25 anhos, falantes perdírun la bargonha, mas la “malina demográfica” tulhe la lhéngua
Passórun-se 25 anhos, mas l antigo deputado Júlio Meirinhos inda se lhembra mui bien de l die 17 de setembre de 1998, quando se tornou na purmeira pessona a falar mirandés n’Assemblé la República. “Bi pessonas de todas las eidades, algues cun 70 anhos, que chorórun quando la lei [que reconheciu ls dreitos lhenguísticos de la quemunidade mirandesa] fui aprobada”, lhembra al Expresso. Zde la fundaçon de Pertual, l mirandés fui perseguido, proibido, i ls falantes “éran bistos cumo palhantres”. Hoije an die, de l punto de bista de la produçon lhiteraira, la lhéngua “stá más biba que nunca”, mas “sien giente, sien mocidade, la lhéngua ten muitas çficuldades an s’aguantar”