Новости за 22.02.2024

Людмила Навальная сүзләренчә, улын яшерен рәвештә җирләттермәкче булалар.

Соңгы алты елда Русиядә 116 меңләп кеше золымнарга дучар ителгән, дип исәпләп чыгарган "Проект" басмасы. Хәрби цензураның иң төп коралы - "террорчылыкны аклау" маддәсе. Сугышка каршы булучыларны гаскәр турында "фейклар" тарату түгел, ә нәкъ менә бу маддә нигезендә ешрак җаваплылыкка тарталар диелә.

Аны "киңкүләм мәгълүмат ирегеннән явызларча файдалану"да гаеплиләр. Беренче беркетмә "Хизб ут-Тәхрир" турындагы язмасында бу оешманың Русиядә террорчы оешма дип танылуын күрсәтмәгәнгә, икенчесе - Азатлык радиосы турындагы постында аның "ят агентлар" реестрына кертелүен искәртмәгәнгә төзелгән.

Путин Татарстанда туучылар санының кимүен әйткән. Миңнеханов бу хәлне төзәтергә вәгъдә иткән. "Минем уйлавымча, клиникалар искиткеч. Бездә ирләр шактый ныклы. Ә хатын-кызларны күндерербез", дигән Миңнеханов һәм Путиннан әмер бирүен сораган. "Алга", дигән Путин.

Бу чикләү Чехиядә яшәүгә рөхсәте инде булган кешеләргә кагылмый. Шулай ук кеше Чехия яки Европа берлеге иле ватандашының гаилә әгъзасы  булып тора икән аларга да кыска вакытлы визаларга гаризалар кабул ителә.

Юлчыларның барлык шәхси мәгълүматлары да Транспорт иминлеген тәэмин итү бердәм дәүләт мәгълүмати системына (ЕГИС ОТБ) килеп барачак, андагы белешмәләрне ФСБ, эчке эшләр министрлыгы, Росгвардия, Ространснадзор һәм Росавиация карый ала. Базага кергән мәгълүматлар җиде ел сакланачак.

Күпкатлы йортларда яшәүчеләрдән бу хезмәтне күрсәтүгә ризалык алмаганнар һәм чынлыкта кар чыгару эшләре башкарылмаган диярлек, әмма шуңа карамастан аларга бу хезмәт өчен кимендә 400 сум түләргә кирәк дигәннәр.

Галимнәр башкортлаштыруны фаш итүче, Тәтешнең борынгы тарихы юкка чыга баруы турында китаплар тәкъдим итте.