Ирандын Чабахар порту аркылуу Ооганстандан Индияга алгачкы жүк жөнөтүлдү
Ооган президенти Ашраф Гани 24-февралда Зарани шаарындагы салтанатта порт Ооганстандын “жүздөгөн айыл-кыштактарын жана миллиондогон оогандарды” дүйнө менен байланыштыраарын белгиледи.
570 тонналык алгачкы жүктү 23 машине тартып кетти. Ооганстандын импорту менен экспортунун көбү Пакистан аркылуу өтөт.
Эки өлкөнүн чек ара аймагы "Талибан" жана башка согушкерлер топтологон кооптуу очокко айланган.
Өткөн ноябрда АКШнын Мамлекеттик департаменти Ооганстан үчүн маанисин эске алуу менен Чабахар портун Иранга каршы санкциялардын тизмесинен чыгарган.
"Талибан" бийлиги кулатылган 2001-жылдан бери Индия Ооганстанды өнүктүрүүгө 2 миллиард доллар сарптады.