«Кыргыз-түрк достук ооруканасын» эки мамлекет үч жыл чогуу башкарат
Жогорку Кеңештин сайтына жарыяланган маалыматка ылайык, жыл сайын Кыргызстандын 20 дарыгерин Түркияда окутуу мүмкүнчүлүгү каралууда.
Бишкектин Фучик көчөсүндөгү №1 оорукананын жанына салынган «Кыргыз-түрк достук ооруканасы» 2018-жылдын сентябрында ачылган. 150 кишиге ылайыкташкан бейтапкананын курулушуна Түркия акча бөлгөн. Курулуш иштери 2016-жылдын июлунда башталган.
Ооруканага заманбап диагностикалык жабдуу коюлуп, кардиология, жүрөк, тамыр хирургиясы, интервенциялык радиология, гастроэнтерология сыяктуу бөлүмдөр ишке киргизилээри айтылган. (BTo)