Тажикстандагы мелдеште кыргызстандык өспүрүмдөр биринчи орунду алды
Спорттун ушу-санда түрү боюнча Тажикстандын Худжанд шаарында өткөн Борбор Азиянын биринчилигинде Кыргызстандан барган өспүрүмдөр командасы биринчиликти алды.
13-15-март күндөрү өткөн мелдешке Кыргызстан, Тажикстан, Өзбекстандын өспүрүм спортчулары катышкан. Мелдеш жыйынтыгында кыргызстандык спортчулар сегиз алтын, сегиз күмүш, беш коло медалга ээ болду.
Кыргыз курама командасы өлкөнүн бардык облустарынан келген спортчулардан топтолгон. Жаш спортчуларды өкмөттүн Баткен облусундагы ыйгарым укуктуу өкүлчүлүгүнүн өкүлдөрү тосуп алды.
Облустук бийлик өкүлдөрү эки элдин жаштарынын достугун чыңдоого салым кошкон жаштарга белектерди ыйгарышты. Мелдеш үч өлкөнүн жаштарынын достугун, ынтымагын бекемдөө жана сергек жашоого үндөө максатында уюштурулган. (JsA)