Новости за 07.07.2019

Франциянын Лион шаарында өткөн Аялдар арасындагы футбол боюнча дүйнө чемпионатынын финалында Кошмо Штаттардын командасы Нидерландын спортчуларын 2-0 эсебинде жеңди. Биринчи голду оюндун 61-мүнөтүндө Меган Рапино тепсе, экинчи топту атаандашынын дарбазасына Роуз Лавелль киргизди. Ушуну менен Кошмо Штаттардын командасы төртүнчү ирет дүйнөлүк мелдеште чемпион болду. 2015-жылы Канадада өткөн мундиалда да америкалык кыз-келиндер биринчи орунду ээлешкен.

Экзит-поллдордун сурамжылоолоруна ылайык, Грекиядагы парламенттик шайлоодо оппозициядагы оңчул-борборчул “Жаңы демократия” партиясы алдыда баратат. Кириакос Мицотакис башында турган партия премьер-министр Алексис Ципрастын “Сириза” партиясынан көбүрөөк добуш алары күтүлүп жатат. Расмий жыйынтыктар дүйшөмбүнүн таңында белгилүү болот. Байкоочулар 40 градуска жеткен аптаптан улам шайлоочулар 7-июлда өткөн добуш берүүгө жигердүү катыша албай калганын белгилешти. Грекияда мөөнөтүнөн мурда парламенттик... Читать дальше...

Казакстандын Чымкент шаарында 6-июлда кармалгандардын айрымдары бошотулду. Алардын бири Данияр Байтилеу полиция кармалган адамдардын манжаларынын тагын алып, сүрөткө тартып, түшүнүк кат жаздыргандан кийин коё бергенин билдирди. Алардын көбүн алты сааттай кармашкан. Жалпысынан бул күнү шаардын борбордук аянтына чыккан 50дөй адам кармалган. Алардын баарына “мыйзамсыз митингге катышкан” деген айып тагылды. Баш калаа Нур-Султандын күнү жана биринчи президент Нурсултан Назарбаевдин туулган күнү 6-июлда... Читать дальше...

Иран 7-июлдан тарта уран байытууну 2015-жылкы өзөктүк келишимде белгиленген 3,67% ашырды. Бул тууралуу Ирандын тышкы иштер министринин орун басары Аббас Аракчи билдиргенин агенттиктер жазышты. Ал Тегеран ар бир алтымыш күндө келишимде өзүнө алган милдеттенмелердин биринен баш тартарын билдирди. Бирок Тегеран дүйнөлүк алты держава менен келишилген макулдашуудан толук чыкпай жана аны жокко чыгарууну көздөбөй турганын кошумчалады. Иран бийлиги май айынын башында келишимдин алкагында өзүнө алган... Читать дальше...

Бишкек–Торугарт автожолунун 55-чакырымында 7-июлда кечке жуук жол кырсыгы катталды. Чүй облустук милициясы билдиргендей, мал жүктөп бара жаткан жеңил автоунаанын чиркегичи чыгып кетип,  каршы тилкеде келе жаткан жүргүнчүлөрдү ташуучу «Мерседес-Бенц Спринтер» машинеси менен кагылышкан. Ысык-Көлгө жүргүнчү ташып бара жаткан кичи автобуста жалпы 18 киши бар болгону, кырсыктан эч ким жабыркабаганы айтылды.  Төрт адам ооруканага саламаттыгын текшерүү максатында жиберилген.

Ооганстандын расмий бийлиги билдиргендей, Газни шаарындагы жанкечтинин жардыруусунан кеминде 12 киши мүрт кетип, жарадарлардын саны 180 кишиден ашты. 7-июлда болгон жардыруу үчүн «Талибан» кыймылы жоопкерчилик алды. Оор жарадарлар баш калаа Кабулдун ооруканаларына жиберилди. Ушул эле Газниде бир күн мурда мечитте болгон жардыруудан 20га чукул адам жаракат алган. Ал чабуул үчүн жоопкерчиликти «Ислам мамлекети» террордук тобу өз мойнуна алган. 7-июлда Катардын баш калаасы Дохада Ооганстандагы... Читать дальше...

Евробиримдиктин тышкы саясат боюнча башкы комиссары Федерика Могерини Борбор Азия менен кызматташтыктын ар кандай өңүттөрү тууралуу «Азаттыктын» суроолоруна жооп берди.

Бул тууралуу жергиликтүү «CNN Türk» телеканалы маалымат таратты. Анда 7-июлдун таңында Анталия аймагынын Алания шаарында 23 жаштагы кыргызстандык М.И.нин жерде кыймылсыз, канга чыланып жатканы жазылган. Жергиликтүүлөр «Тез жардамга» жана жандармерияга кабар беришкен. Бирок «Тез жардам» кызматкерлери келишкенде кыргызстандык жигиттин мылтыктан атылган октон каза болгонун жарыялашкан. Аланиянын башкы прокуратурасы окуя боюнча кылмыш ишин козгоп, шектүү 40 жаштагы А.Й.ни кармашкан. Суракта шектүү... Читать дальше...

Бишкекте «Европа Биримдиги - Борбор Азия» тышкы иштер министрлеринин жолугушуусу өттү.

Ош облустук ички иштер башкармалыгынын маалыматы боюнча, 6-июль күнү социалдык тармактарга тараган видеотасмада сот аткаруучуну түрткүлөп, урушуп жаткан аялдын иши Жоруктар кодексинин 119-беренеси боюнча («Майда бейбаштык») сотко чейинки өндүрүшкө алынып, бирдиктүү реестрге катталды. Учурда бул иш боюнча текшерүү иштери жүрүп жатат. Ош ОИИБнын басма сөз кызматы маалымдагандай, видеотасмадагы аял Ош шаарынын тургуну, 52 жаштагы Э.М. Кара-Суу райондук сотунун сот аткаруучусун түрткүлөп, тилдеген. Читать дальше...

Дүйнөлүк басма сөзгө баяндама (1-8-июль, 2019-жыл).

Орусиянын Санкт-Петербург шаарынан Кыргызстанга жеңил машинеде жолго чыккан кыргызстандыктар аварияга кабылып, үчөө мүрт кетти. Бир киши Оренбургдагы ооруканага жаткырылды. Кырсык 7-июлга караган түнү Оренбург облусунун аймагындагы Тоцкое кыштагында болду.  Кыргызстандын Орусиядагы элчилиги алардын баары Кыргызстандын жарандары экени аныкталганын билдирди. Полиция кылмыш ишин козгоду.  Оренбургдагы ардактуу консул жергиликтүү органдар менен иштешип жатат. Маркумдардын сөөгү шейшембиде мекенине жиберилет. Читать дальше...

Австрия полициясы муздаткыч жүктөлгөн поездде Германияга бараткан 11 мигрант кармалганын билдирди. Расмий кабарларга ылайык, алар 6-июлда өлкөнүн түштүк тарабындагы станциялардын биринде колго түшкөн.  Поезд Австрияга Словениядан келген. Жабык вагондо дээрлик 40 саат отурган мигранттар вагондун дубалын уруп жатканда башкалар байкап калышкан.  Мигранттардын айтымында, 4-июлда аларды ортомчулук менен алектенген адам поездге чыгарып, Германияга жеткирүүгө убада берген. Ар бири ага 1000 евродон төлөгөн. Читать дальше...

Сот эркиндиги жана сөз эркиндиги - Европа Биримдиги менен Борбор Азиядагы мамлекеттердин кызматташтыгынын маанилүү өзөгү. Евробиримдиктин тышкы саясат жана коопсуздук маселелери боюнча жогорку комиссары Федерика Могерини Бишкекте 7-июлда ушундай пикирин айтты. "Азаттыктын" кабарчысынын Тажикстандагы, Казакстандагы айрым журналисттерге бийликтин катаал мамилеси,  Борбор Азиядагы сөз эркиндигине байланыштуу суроосуна анын жообу төмөнкүчө болду: - Ар бир өлкөдө жагдай ар башка. Мен эч кандай баа бере албайм. Читать дальше...

5-июль күнү Экономикалык кылмыштарга каршы күрөш боюнча мамлекеттик кызмат (Финансы полициясы) мектеп бүтүрүүчүлөрүнүн документтери ката басылып чыкканы боюнча сотко чейинки өндүрүш иштерин баштаганын кабарлады.

Иран уран байытуунун көлөмүн 2015-жылдагы келишимде көрсөтүлгөн талаптардан ашыра баштаганын жарыялады. Өкмөттүн басма сөз катчысы Али Рабией 7-июлдан тартып Тегеран уранды байытуунун көлөмүн 3,67 пайыздан ашырганын билдирди. Бирок кайсы даражага чейин көтөрүлөрү ачык айтылган жок.  Эл аралык атомдук энергия агенттиги (МАГАТЭ) Иран келишимде көрсөтүлгөндөн көбүрөөк байытылган уран чогултканын тастыктады.  Май айында тышкы иштер министринин орун басары Аббас Аракчы 2015-жылы келишимге кол койгон мамлекеттер - Британия... Читать дальше...

Евробиримдиктин тышкы саясат жана коопсуздук маселелери боюнча жогорку комиссары Федерика Могерини Кыргызстанда өмүр бою түрмөгө кесилген укук коргоочу Азимжан Аскаровдун маселеси талкууланып жатканын билдирди.  7-июлда Бишкекте «Европа Биримдиги - Борбор Азия» тышкы иштер министрлеринин жолугушуусунан соң «Азаттыктын» кабарчысынын суроосуна ал: - Бул маселеге байланыштуу бардык суроолор талкууланып жатат. Маселе ачык-айкын жана конструктивдүү пикир алмашуунун негизинде талкууланып жатканын белгилейм, - деп жооп берди. Читать дальше...

Орусиянын Иркутск облусундагы суу каптоодон кийин жоголгондордун арасынан 30 киши аман табылды. Дагы 11 адамдын дайыны чыкпай жатат. 22 киши мерт болгонун «Интерфакс» агенттиги жергиликтүү бийликтин маалыматына таянып жазды.   Ташкын жүзгө жакын калктуу конушту каптады. Үч жарым миң турак-жай жараксыз болуп калды. 33 миң адам үйүнөн ажырады. Жүздөгөн адамдар ооруканага түштү. Баштапкы маалыматтарга караганда, зыяндын көлөмү 29 миллиард рублге бааланууда. 25-июнда башталган нөшөрдөн улам Иркутск облусунда беш чоң дарыядан суу ташкындаган.

Жалпы ишембиликтин алкагында шаардык дене тарбия жана спорт комитетинин кызматкерлери алтымыштан ашуун спортчулар менен кошо Ак-Буура дарыясынын жээгинен тартып борбордук базарга чейин тазалашты. Ош мэриясынын басма сөз кызматы билдиргендей, анда негизинен суу жээгин желим бөтөлкө менен баштыктардан тазалоо иштери жүрдү. (MdN)

Европа Биримдиги Борбор Азия чөлкөмүнүн күчтүү жана туруктуу болушун каалайт. Ал үчүн жакырчылык менен күрөшүп, аялдардын укуктарын коргоо жаатында иштер жасалышы керек. Евробиримдиктин тышкы саясат жана коопсуздук маселелери боюнча жогорку комиссары Федерика Могерини Бишкекте 7-июлда ушундай пикирин айтты.  Могерини Кыргызстандын баш калаасында «Европа Биримдиги - Борбор Азия» тышкы иштер министрлеринин жолугушуусуна келген. Ал жыйындын жемиштүү болгонун белгиледи. Буга мисал кылып Кыргызстан... Читать дальше...

Терроризм менен диндин айкалышы дүйнөнүн, анын ичинде Кыргызстандын да негизги маселелеринин бири болуп турат.

Премьер-министр Мухаммедакалый Абылгазиевдин апасы Жеңилдик Абылгазиева 86 жашында дүйнө салды.  Өкмөт башчынын басма сөз катчысы билдиргендей, ал оорудан улам 7-июлда жашоо менен кош айтышты.  Жеңилдик Абылгазиева Бишкекте уулу Мухаммедкалый Абылгазиев менен жашаган.  "Азаттык" радиосунун жамааты  маркумдун жакындарына көңүл айтат.

Кыргызстандык Гүлнара Айтмаматова тарткан «Ата конуш» аттуу даректүү тасма Стамбулда «TRT Gelececin iletişimcileri» аттуу кинофестивалда 1-орунга ээ болду. Бул тууралуу «Азаттыкка» режиссер өзү кабарлады.  - Бул менин чет өлкөдөгү эң биринчи жеңишим болду. Калыстар биздин фильм жогорку деңгээлде тартылганын айтышты. Анан дагы эки жерден иштешүүгө сунуш түштү, - деди Айтмаматова. Тасма Нарын облусунун эң суук Өрүк-Там айылында тартылган. Учурда бул айылда кыркка жакын үй-бүлө жашайт. Жашоо-шарты оор. Читать дальше...

8-июлда түнкүсүн Кыргызстанда жаан-чачын болбойт, күндүз кээ бир тоолуу райондордо жамгыр жаап, күн күркүрөйт. Батыштан соккон шамалдын ылдамдыгы секундасына 4-9, кээ бир жерлерде15-20 метрге жетет. Абанын температурасы: Баткен, Ош, Жалал-Абад облустарында түнкүсүн 18...23, күндүз 32...37, Талас жергесинде түнкүсүн 15...20, күндүз 30...35, Чүй өрөөнүндө түнкүсүн 17...22, күндүз 31...36, Нарын аймагында түнкүсүн 9...14, күндүз 21...26, Ысык-Көл дубанында түнкүсүн 13...18, күндүз 23...28... Читать дальше...

Өзбекстандын Мамлекеттик коопсуздук кызматы Пакистанда согушкерлерге кошулуп кеткен үй-бүлөнүн төрт баласын мекенине кайтарды. «УзА» агенттиги билдиргендей, анжияндык Фархад Хамракулов аялы жана үч баласы менен 2012-жылы Орусияга иштегени барган, андан ары Азербайжан жана Иран аркылуу Пакистанга өтүп кеткен. Ал жакта Фархад «Түркстан ислам кыймылы» деп аталган террордук топко кошулуп, көп өтпөй чабуулда мүрт кеткен. Жубайы башка бир согушкерге турмушка чыгып, бир балалуу болгон. 2018-жылы оорудан улам көз жумган. Читать дальше...