Германия-Польша чек арасынан кармалган 670 килограмм героинге Кыргызстандын катышы бары тууралуу Батыш маалымат каражаттары тараткан кабар Ооганстандан чыккан баңгизат каттамына байланышкан маселени кайрадан күн тартибине алып чыкты.
Жалал-Абадда активдүү мигранттардын катышуусунда жайкы үйрөтүү лагери өтүп жатат. Түштүк облустарынан чогулган 20дай мигрант жаштарга адистер коомдук активдүүлүк, мамлекеттик түзүлүш жана шайлоо негиздерин үйрөтүп жатат. Мындай лагерь өткөн айда Ысык-Көл жэгинде да уюштурулган.
13-15-июлда күндүн ысышына жана күтүлүп жаткан нөшөрлүү жаан-чачынга байланыштуу өлкөнүн тоолуу жана тоо этектериндеги райондорунда сел жүрүшү мүмкүн. Аба ырайы: Ысык-Көл, Нарын облустарынын көпчүлүк аймактарында, Чүй, Талас, Ош, Жалал-Абад, Баткен облустарынын айрым райондорунда өткүн өтүп, күн күркүрөйт. Абанын температурасы: Чүйдө түнкүсүн 17…22, күндүз 32…37; Таласта түнкүсүн 14…19, күндүз 31…36; Баткенде, Ошто, Жалал-Абадда түнкүсүн 18…23, күндүз 32…37; Ысык-Көлдө түнкүсүн 13…18... Читать дальше...
Сомалидеги Кисмайо шаарында мейманканага болгон кол салуудан кеминде 26 адам каза болду. Би-Би-Си өлкөнүн президенти Мохамед Абдуллахи Мохамедге шилтеме берип кабарлагандай, каза болгондордун арасында Канадада жашаган теги сомалилик белгилүү журналист Нодан Налаех, анын күйөөсү жана эки АКШ жараны бар. Бул кол салуу үчүн жоопкерчиликти жергиликтүү “Аш-Шабаб” террорчул тобу алды. Террорчул топ тараткан билдирүүдө кол салуу өлкөнүн өкмөтүнүн мүчөлөрү, депутаттарга багытталганы айтылат. Террорчулар... Читать дальше...
АКШнын федералдык соода комиссиясы "Фейсбук" социалдык тармагына 5 миллиард доллар айыппул салат. Мындай чара "Cambridge Analytica" компаниясы колдонгон колдонуучулар тууралуу маалыматты ачыкка чыгарганы үчүн көрүлгөн. Бул айыппул технологиялык компаниялардын тарыхындагы эң көп өлчөмдө алгач жолу болууда. Бирок байкоочулар жаза мындан да катаал болушу мүмкүн экенин эскертип жатышкан. Комиссия менен социалдык тармак ортосундагы келишим жөнүндө "The Wall Street Journal" жана "Bloomberg" агенттиги жазып чыкты. Читать дальше...
Украинанын борбору Киевде "112" деп аталган телеканалдын имаратын белгисиз адамдар гранатомет менен аткылады. Бул тууралуу Киев полициясы маалымат таратып, теракт деп атады. Маалыматка ылайык, Украинанын борбор калаасында жайгашкан телеканалдын имаратында өткөн түнү жарылуунун үнүн уккан коңшулар полицияга кабар берген. Жерине келген полиция кызматкерлери имарат гранатометтон аткыланганын аныкташкан. Андан имараттын фасаддык бөлүгүнө зыян келген. Окуядан эч ким жабыркаган жок. Учурда тергөө башталды. Читать дальше...
Түркия Орусиядан сатып алган С-400 зениттик-ракеталык системасынын алгачкы бөлүгүн алган соң бул өлкөнүн коргоо министри Хулуси Акар АКШнын коргоо министринин милдетин аткаруучу Марк Эспер менен телефон аркылуу сүйлөштү. Пентагон 30 мүнөткө созулган сүйлөшүү тууралуу кеңири маалымат берген жок. Расмий Анкара болсо “Түркия дале болсо абадан жана ракетадан сокку уруу коркунуч бар экенин белгилеп, С-400 коргонуу системасын сатып алуу муктаждык болгонун” АКШнын өкүлүнө түшүндүргөнүн кабарлады. 12-июлда... Читать дальше...
12-июлда кыргыздын ажайып сулуу кызы, таланттуу актриса Таттыбүбү Турсунбаеванын туулган күнүнө 75 жыл толду.
Орусиядагы бийликчил “Бирдиктүү Орусия” партиясы коомдук сурамжылоонун жыйынтыгында рейтинги түшүп кеткени аныкталды. Орусиядагы Коомдук пикирди талдоо институту жүргүзгөн сурамжылоого ылайык, учурда бийликчил партиянын рейтинги 32,2 пайызды көрсөткөн. Бул буга чейин жүргүзүлгөн сурамжылоолордун ичинен эң төмөнкү көрсөткүч. Январда бул көрсөткүч 32,7 пайызды түзгөн. Мындай жыйынтыкты бир катар басылмалар “Бирдиктүү Орусиянын” Москва шаардык думасына шайлоого катышпоо чечими менен байланыштырууда. Читать дальше...
Бишкектеги Токтоналиев жана Ахунбаев көчөлөрүнүн кесилишинде ИИМге таандык кызматтык автоунаа менен "Lexus GX 470" үлгүсүндөгү жолтандабас кагышты. Күбөлөрдүн айтымында, кеминде эки адам жабыркап, ооруканага алып кетишти. Кырсык 13-июлда түшкө чейин, саат 11 ченде болгон. Бишкек милициясынан кабарлашкандай, кырсыкка кабылган автоунаалардын бири ИИМдин алындагы Мамлекеттик адистештирилген күзөт кызматына таандык болгон. Учурда экспертиза дайындалып, териштирилүүдө. Күбөлөр милициянын кызматтык... Читать дальше...
Ысык-Көлдөгү Сырт өрөөнүндө жайгашкан «Хан-Теңири» лагеринде эки адамды өлтүрүп, бир адамды жарадар кылып качып кеткен Сергей Смирновду издөө уланууда. Бул тууралуу облустук милициядан “Азаттыкка” кабарлашты. Маалыматка ылайык, кылмышка шектүүнү издөөгө Ысык-Көл облустук жана Ак-Суу, Түп райондук милициясынын кызматкерлери тартылган. Мындан сырткары чек арачылар да бул ишке көмөктөшүүдө. Азырынча Смирнов кармала элек. 6-июлда «Хан-Теңири» альплагеринде бир киши эки адамды атып өлтүрүп, үчүнчүсүнө бычак сайып... Читать дальше...
Саудиянын аймактагы агрессиялык аракеттери, Эр-Рияддын адам укуктарын сыйлабаганы үчүн бир катар ислам диниятчылары жана илимпоздор мусулмандарды ажылыкка барбоого чакырып жатышат. Кыргызстанда болсо ажыга барууну эңсегендердин саны жылдан-жылга көбөйүүдө.
Ысык-Көлдө эс алуучулардын коопсуздугуна көңүл бурулбай жатканы, көл жээкте эң жөнөкөй шарттардын түзүлбөгөнү элдин нааразылыгын жаратып жатат. Туристтик сезондо күн санап ал жакка каттагандардын саны өсүп жатканы менен пансионаттарда куткаруучулардын саны аз. Былтыр Ысык-Көл районунда 23 киши көлгө чөгүп каза болгон.
Гапар Айтиев атындагы улуттук көркөм сүрөт музейиндеги сүрөттөрдү текшерүү боюнча комиссия ишин улантууда. Бул тууралуу аталган комиссиянын төрагасы Таалай Усубалиев билдирди. Анын айтымында, азыркы учурга чейин музейдеги 250 сүрөт текшерилип, эки сүрөт жасалма экени аныкталган. Алар Андрей Мыльников жана Евсей Моисеенконун сүрөттөрү. Ошондой эле Усубалиев дагы бир сүрөт шек жаратып жатканын кошумчалады: “Дагы бирөө шек туудуруп жатат. Аны изилдеп атабыз. Мыльников менен Моисеенконун сүрөттөрү так чыкты, экөө тең атактуу сүрөтчү болгон. Читать дальше...
“Чоң жетиге” кирген өлкөлөрдүн Украинадагы элчилери президент Владимир Зеленскийдин өлкөдө 2014-жылдан баштап жетекчилик кызматты ээлегендерди люстрация кылуу боюнча сунушун сынга алышты. Бул тууралуу "Твиттерге" жарыяланган бирдиктүү билдирүүдө айтылат. Дипломаттар адамдын мамлекеттик кызматта иштөө укугуна чек коюу демократиялык өлкөлөргө мүнөздүү эмес экенин белгилешкен. Британия, Германия, Италия, Канада, АКШ, Франция жана Жапониянын элчилери жолдогон кайрылууда Украинадагы 2014-жылдан соң абал жакшырып... Читать дальше...
Маданий иш-чараны 12-июлда Анталия шаарындагы "Кыргыз эли" коому жана шаардын Муратпаша районунун бийлиги уюштурду. Анын жүрүшүндө боз үйлөр тигилип, улуттук кол өнөрчүлөрдүн эмеректери коюлган. Уюштуруучулар Анталия шаарында жашап, эмгектенип жаткан мигранттардын арасында искусство менен алектенгендерди колдоону максат кылып, сүрөт көргөзмөсүн да ачты. Туристтер менен шаар тургундарына "Манас" эпосу жана Кыргыз тарыхы боюнча илимий докладдар окулду. Түркиянын статистика комитетинин маалыматы боюнча... Читать дальше...
Экономикалык кылмыштарга каршы күрөш боюнча мамлекеттик кызмат “Азаттыктын” Кыргызстандан чыгарылып кеткен миллиондор жөнүндөгү иликтөөсүндө айтылган каражаттарды тактоону улантып жатат.
Мурдагы президент Алмазбек Атамбаевди колдоо митингде сөз сүйлөгөн Фархад Баабиев УКМКга суракка чакырылды. Бул тууралуу Социал-демократиялык партиянын расмий өкүлү Кундуз Жолдубаева билдирди. Анын айтымында, атайын кызмат Бабиевди күбө катары 13-июлда Тергөө башкармалыгына келүүнү буюрган. Жолдубаева Фархад Бабиевдин 2- июлда Бишкекте өткөн нааразылык акциясында сөз сүйлөп, бийликке каршы сын айтканын белгилеп, чакырууну ошого байланыштырып жатат. Ал эми УКМК бул боюнча эч кандай комментарий... Читать дальше...
Түндүк Кореянын лидери Ким Чен Ын расмий түрдө өлкө башчысы болуп калды. Мындай өзгөрүү өлкөнүн Конституциясына өзгөртүү киргенден кийин ишке ашты. Reuters агенттигинин жазышынча, буга чейин Түндүк Кореянын номиналдык башчысы катары Жогорку Элдик жыйындын президиум төрагасы саналчу. Ал эми Ким Чен Ын “жогорку лидер” деп аталып, өлкөнүн бардык аскердик кубатына жетекчилик кылары расмий түрдө айтылган. Эми эл аралык маалымат каражаттары Ким Чен Ындын өлкө жетекчиси деп расмий таанылышын, Кореяда милитаризациялык багытты басаңдатып... Читать дальше...
