Новости за 12.12.2019

Ноокатта чыр чыгарганга себепчи болгон жарандар кармалып, териштирүү иштери жүрүп жатат. Бул тууралуу Ош облустук ички иштер башкармалыгынын басма сөз катчысы Жеңиш Аширбаев билдирди. Маалыматка ылайык, Ноокат районунун Жандама айылындагы көчөлөрдүн биринде атчан адамдар жолдон өтүп бара жаткан автоунааларга ат салышып, айнектерин талкалап, андагы жарандардын денесине жаракат келтирген. - Окуядан эки күн мурда Жаңы-Ноокат айылынын борборунда айыл жаштарынын ортосунда футбол мелдеши өткөрүлгөн. Оюн учурунда келишпестик чыгыптыр. Читать дальше...

"Эркин Европа/Азаттык" үналгысынын президенти Жейми Флай Матраимовдордун үй-бүлөсүнүн “Азаттыктын” кыргыз кызматына карата доо арызына байланыштуу билдирүү таратты. Анда редакцияга тиешелүү Бишкектеги банк эсеби камакка алынганы тууралуу 12-декабрда эртең менен кабар тараганы, бирок расмий маалымдама келип түшпөгөнү белгиленет. "Матраимовдун арызын же биздин эсепти камакка алуу тууралуу соттун чечимин түшүндүргөн расмий документтерди көрө элекпиз. Бул “Азаттыктын” ишмердигине жана көз карандысыздыгына... Читать дальше...

Ошко Кытайдын ишкерлерин Фошань шаарынын вице-мэри Цяо Юй баштап келди. Көргөзмөгө жалпысынан Кытайдын 30дан ашуун өндүрүш ишканаларынын курулуш каражаттары, чайдын түрлөрү, үй бөлмөлөрүн жасалгалоо үчүн буюмдар коюлду. Ушул жылдын 13-июнунда Бишкекте өткөн Шанхай Кызматташтык Уюмунун (ШКУ) саммитинин алдында Кытайдын төрагасы Си Цзиньпиң менен президент Сооронбай Жээнбековдун катышуусунда Ош шаарынын мэри Таалайбек Сарыбашов Кытайдын үч шаары менен боордоштук мамиле түзүү боюнча келишимге кол койгон. Читать дальше...

Ички иштер министрлиги (ИИМ) Жогорку Кеңештин мурдагы депутаты Равшан Жээнбеков камакка алынганын ырастады. Аталган органдын басма сөз кызматы тараткан маалыматка ылайык, Жээнбековго Кылмыш кодексинин 244-беренеси ("Барымтага алуу") жана 264-беренеси ("Массалык башаламандыктарды уюштуруу") боюнча айып коюлган. Учурда Жээнбеков Бишкек шаардык милициясынын убактылуу кармоо жайында отурат. Оппозициячыл саясатчы Равшан Жээнбеков 7-8-августта мурдагы президент Алмазбек Атамбаевди кармоо маалында Кой-Таш... Читать дальше...

Саясатчы, парламенттин мурдагы депутаты Равшан Жээнбеков кармалганы кабарланды. Бул тууралуу “Азаттыкка” адвокат Замир Жоошев маалымдады. Анын айтымында, 7-8-августтагы Кой-Таштагы окуялар боюнча Жээнбеков Ички иштер министрлигине суракка чакырылган. Ал жерде бул окуя боюнча шектүү катары кармалгандардын бири Кыяс Смаилов менен беттештирилген. Мындан соң Жээнбековго шектүү катары ИИМдин убактылуу кармоо жайына киргизилген. “Учурда мен адвокат катары иш менен таанышуу үчүн баратам”,-деди Жоошев. Читать дальше...

Украина менен Орусия бардык туткундарды алмашууну жана жыл соңун утурлай ок атышууну токтотуу келишимин ишке киргизүүнү макулдашышты.

Бишкек шаарынын Свердлов райондук соту Матраимовдордун үч маалымат каражатына карата доо арызына байланыштуу түшүндүрмө берди. Анда Жарандык процесстик кодекстин 145-беренесинде “Доону камсыздоо жөнүндөгү арызды сот ал сотко келип түшкөндөн кийинки күндөн кечиктирбестен, жоопкерге жана ишке катышкан башка жактарга кабарлабастан карайт. Доону камсыздоо жөнүндө арызды кароо – сумманы өндүрүү талабы коюлган бардык арыздар боюнча кадимки норма. Арыз иш сотко келип түшкөндөн кийинки күндөн кеч эмес... Читать дальше...

Жогорку сот мурдагы баш прокурор Аида Саляновага козголгон лицензия иши боюнча кылмыш ишин кайра кароодон баш тартты. Соттун чечимине ылайык, Салянованы беш жылга кесүү боюнча мурдагы өкүм күчүндө калды. Аида Салянова мындай чечим күтүлүп эле жатканын белгиледи. Саясатчы юстиция министринин милдетин аткарып турган кезде кезинде Бакиевдердин жакыны Алексей Елисеевге адвокаттык лицензиясын мыйзамсыз узартып берди деп айыпталган.

Президент Сооронбай Жээнбеков 12-декабрда Бириккен Араб Эмираттарында жашаган кыргызстандыктар менен жолукту. Жолугушуу учурунда Дубайдагы ишкер Жанара Борончуева Матраимовдордун маалымат каражаттарын сотко бергенине байланыштуу өлкө башчысынын пикирине кызыкты. Президент сотко берүүгө ар бир жарандын укугу бар экенин белгилеп, ошол эле учурда маалымат каражаттарында айтылган сынга сабырдуу караш керек экенин билдирди. - Мамлекеттин, биздин күчүбүз - ачык массалык маалымат каражаттарында, - деген... Читать дальше...

«Азаттыктын» белгилүү журналисти, маркум Уланбек Эгизбаевге Чыңгыз Айтматов атындагы мамлекеттик жаштар сыйлыгы ыйгарылды. Күбөлүгү жана төш белгиси 12-декабрда Бишкектеги Улуттук опера жана балет театрында Уланбектин жакындарына тапшырылды. Ошондой эле жаштар сыйлыгы Айсулуу Тыныбековага, Адилет Токтогуловго, Акжол Дооронбек уулуну, Арзымат Жороевге, Дастан Жапар уулуна, Нурсултан Курбановго ж.б. берилди. Чыңгыз Айтматов атындагы жаштар сыйлыгы өкмөттүн 2000-жылдын 23-августтагы токтому менен негизделген. Читать дальше...

Президент Сооронбай Жээнбеков бүгүн, 12-декабрда Бириккен Араб Эмираттарында жашаган кыргызстандыктар менен жолукту. Жолугушууда учурдагы актуалдуу маселелер көтөрүлдү.    Президент Жээнбеков иликтөө жүргүзгөн журналисттерди Кыргызстанга келип, документтерин өткөрүп берүүгө чакырып, коопсуздугуна кепилдик берерин билдирди. - Керек болсо мен да кепилдик берем. Келип, фактысы болсо берсин, - деген президент укук коргоо, сот органдарында бурмалоо болбой турганын белгиледи. - Бул аягына чыгат. Чыдап тургула. Читать дальше...

Жогорку Кеңештин “Республика Ата-Журт” фракциясынын депутаты Мирлан Жээнчороев үч маалымдоо каражатына карата сот чечимин алардын ишмердүүлүгүнө тоскоолдук жаратуу деп атады. Депутаттын белгилешинче, экинчи инстанцияга кайрылып, банктык эсептерди камактан чыгаруу зарыл. Себеби, Жээнчороев белгилегендей, сөз эркиндиги Конституция кепилдеген укук, ал эми соттун чечими күчүнө кирсе маалымат каражаттары өзүнүн күнүмдүк ишин жүргүзө албай калат жана алардын эркиндиги чектелет: - Журналисттин ишине тоскоолдук жаратуу ... Читать дальше...

Кыргызстанда 12-декабрь жазуучу Чыңгыз Айтматовдун туулган күнүнүн урматына Адабият күнү катары белгиленип келет.

Омбудсмен институту Матраимовдордун үй-бүлөсү үч басылманы жана журналистти сотко берип, ири өлчөмдө доо койгонуна байланыштуу 13-декабрда чукул жыйын өткөрөт. Бул тууралуу "Азаттыкка" акыйкатчы Токон Мамытов билдирди: - Чукул кызматтык кеңешмеде бул маселени талкуулап, омбудсмен институтунун кызматкерлеринин сунуш-пикирлеринин негизинде чечим кабыл алабыз. Биз адамдардын баарынын укугун коргойбуз. Ким болбосун, баары бизге тең. Журналисттин укугу да, Матраимовдун укугу да бизге бирдей, ал укуктар тебеленбеши керек, - деди Мамытов. Читать дальше...

Жогорку Кеңеште быйыл 7-8-августта Кой-Ташта түзүлгөн кырдаалды иликтөө боюнча мамлекеттик комиссиянын маалыматы угулуп, жыйынтыгында айрым депутаттардан келип түшкөн сунуштарды эске алуу менен токтом кабыл алынды. 91 депутат «макул», эки депутат «каршы» деп добуш берди. Ошону менен бирге өкмөткө, тийиштүү укук коргоо органдарына мамлекеттик комиссиянын корутундусунда камтылган фактыларды текшерүү жана чара көрүү тапшырылды.  Мамкомиссиянын атынан баяндама жасаган депутат Тынчтык Шайназаров:... Читать дальше...

Аскер прокурору Нуркамал Набиев Кой-Таш окуясында ички иштер министринин мурдагы орун басары Курсан Асанов мурдагы президент Алмазбек Атамбаевдин үйүнөн алып чыккан баштык табылганын жарыялады. Бул тууралуу ал 12-декабрда Жогорку Кеңеште Кой-Таш окуясын иликтеген мамлекеттик комиссиянын корутундусу талкууланып жаткан учурда билдирди: - Ал кызыл баштык табылган. Анда Алмазбек Атамбаевге таандык документтер жана башка буюмдар болгон. Тергөөнүн сырына байланыштуу аларды айта албайм. Ички иштер... Читать дальше...

Францияда 8 күн катары менен иш таштоо уланып жатат. Жумушчулар пенсия реформасына каршы чыгып жатышат. Бул - 1995-жылдан берки эң ири акция, ага 100 миңдеген киши катышууда. Коомдук транпорт, чукул кызматтар үзүл-кесил иштеп жатканына карабай, эл негизинен иш таштагандарды колдоп жатат. Кээ бир жерлерде демонстрациялар баш аламандыкка жана тополоңго айланып кетти. Өткөн жумада бир нече шаарда полиция менен демонстранттар кагылышкан. Каршылык акцияларына карабастан шаршембиде Франциянын премьер-министри... Читать дальше...

«Бир дүйнө - Кыргызстан» укук коргоо кыймылы жана Адам укуктары боюнча эл аралык федерация (FIDH) «Азаттыкка», Kloop.kg жана 24.kg агенттиктерине карата сот чечимин «саясий жана коррупциялашкан» деп атады. Бул тууралуу кыймыл 12-декабрда тараткан билдирүүдө айтылат. Чукул билдирүүдө ошондой эле «коркутууну жана эч нерсе менен салыштырылгыс санкция колдонууну токтотуу» тууралуу талап коюлуп, «үч медианын банк эсептерин камоо тууралуу чечимди чыгарууда сот көз каранды эместик, калыстык, тараптардын... Читать дальше...

Нур-Султандагы эки күндүк жыйындын соңунда Түркия, Иран жана Орусия биргелешкен билдирүү кабыл алды.Британияда мөөнөтүнөн мурун парламенттик шайлоо өтүүдө. Казак баш калаасында Сириядагы куралдуу жаңжалга катышкан деп айыпталып жаткан Казакстандын 14 жараны эркинен ажыратылышты.

Матраимовдор үч басылмага жана журналистке каршы жазган арызынын негизинде алгачкы отурум болжол менен 19-декабрда саат 14:00дө болот. Аны Свердлов райондук сотунун судьясы Жылдыз Ибраимова карай турганын Бишкек шаардык сотунун басма сөз кызматы билдирди.  Матраимовдордун үй-бүлөсү «Азаттык» радиосун, кабарчы Али Токтакуновду, «Kloop.kg» жана 24.kg сайттарын сотко берип, жалпы өлчөмү 60 миллион сомдук доо койду. Аталган маалымат каражаттары «Матраимовдордун кадыр-баркына доо кетиргени» белгиленип... Читать дальше...

Матраимовдордун үй-бүлөсү үч басылманы сотко бергенин сөз эркиндигине бөгөт коюунун көрсөткүчү катары мүнөздөөгө эрте. Мындай пикирин Борбордук шайлоо комиссиясынын мурдагы төрагасы, саясат талдоочу Акылбек Сариев билдирди: - Эгер ушунун арты менен журналисттер ишмердигин токтотсо, анда сөз эркиндигине бөгөт коюлду деп айтса болот. Баары журналисттердин мындан кийинки иш-аракетинен көз каранды. Токтоп калышабы же тирешип, чындыкты жеткиргенге аракет кыла беришеби?  Сариев демократиялуу коомдо... Читать дальше...

«Манас» эпосу «Сүрөттүү Манас» деген аталышта комикс вариантында чыкты. Китепти Кыргыз Эл Баатыры Бексултан Жакиев жазып, сүрөтүн Замир Илипов тарткан. Чыгарманын бет ачарын «Роза Отунбаеванын демилгелери» фонду уюштурду.

Жогорку Кеңештин депутаты, Эл аралык иштер, коргоо жана коопсуздук комитетинин төрагасынын орун басары Абдывахап Нурбаев соттор жалпыга маалымдоо каражаттарына мамиледе этият болушу керек экенин билдирди. Бул тууралуу Матраимовдордун үч басылмага ири өлчөмдө доо коюп, сотко кайрылганына байланыштуу «Азаттык» радиосуна берген комментарийде айтты: - Келечекте демократиялуу, өнүккөн мамлекет курабыз десек, биринчи кезекте сөз эркиндигине өтө этият мамиле кылышыбыз керек. Албетте, ар бир адам сотко кайрылып... Читать дальше...

Парламент депутаты Жанарбек Акаев Жогорку Кеңештин жыйынында үч медианын сотко берилери замат алардын банк эсептери камакка коюлганын айыптады. - Прокуратуранын өкүлү отурасыз. Матраимовдор үч медианы сотко бериптир. Эми сотко бергенге укугу бар. Өз чындыгын коргосун. Бирок сотко берери менен Свердлов райондук соту басылмалардын банк эсептерин камакка койду. Бул жакшы эмес жол. Эсибизге келели. Азыр шаардык сот аны жокко чыгарышы керек.  Матраимовдордун үй-бүлөсү «Азаттык» радиосун, кабарчы Али Токтакуновду... Читать дальше...

Матраимовдордун үй-бүлөсү «Азаттык» радиосун, кабарчы Али Токтакуновду, «Kloop.kg» жана 24.kg сайттарын сотко берип, жалпы өлчөмү 60 миллион сомдук доо койду.