Новости за 02.02.2020

Улуу Британиянын баш калаасы Лондондун түштүк бөлүгүндө полиция жөн-жай тургундарга бычак менен кол салган бир кишини атып өлтүрдү. Британ полициясы бул окуянын террорчулукка байланышы болушу мүмкүн экенин билдирди. Стретем аймагында жекшемби күнү түш оой орун алган кол салуудан бир нече адам жараат алганы кабарланды. "Азырынча бир нече адам бычакталды деген маалымат бар. Окуянын чоо-жайы такталып жатат", - деп билдирди Лондон полициясы "Твиттердеги" барагы аркылуу. Күбөлөр үч жолу ок атылганын угушканын айтып жатышат. Читать дальше...

АКШнын мамлекеттик катчысы Майк Помпео мурдагы советтик республикаларды Шинжаңдагы мусулман азчылыктарына жасалган мамиледен улам Кытайга басым көрсөтүүгө чакырды. Ал мындай оюн 2-февралда "Азаттыктын" казак кызматы менен Нур-Султан шаарындагы маегинде айтты. "Шинжаңда болуп жаткандар тууралуу сөз кылсак, биз Кытай өкмөтүнө да, бүгүнкү визит маалында Казакстандын өкмөтүнө да так айттык. Биз ар бир адамга татыктуу мамиле кылынышын күтөбүз. Ал жерде болуп жаткандар буга шайкеш келбейт. Казакстандын өкмөтү жакшы иш кылды. Читать дальше...

Иран илимий изилдөө жүргүзүүнү көздөгөн жаңы жандоочун (спутник) жакынкы күндөрү космоско учурганы жатат. Бул маалыматты Ирандын космос агенттигинин башчысы Мортеза Берари "France-Presse" жаңылыктар агенттиги менен маегинде ырастады. Бирок ал "Зафар" аттуу жаңы жандооч качан учурулаарын так айткан жок. Болгону 113 килограмм салмактагы жандоочту "Симорг" ракетасы Жердин орбитасына алып чыгаарын белгиледи. Беш күн мурда Сан-Францискодо жайгашкан «Planet Labs Inc» компаниясынын жандоочтору тартып... Читать дальше...

2-февралда Бишкекте Кыргыз либерал-демократиялык партиясынын (КЛДП) тушоосу кесилди. Партия негизги ураанын “жаңылануу” деп атап, өлкөдөгү коррупцияга жана бийликке умтулган криминалдашкан олигархтарга каршы күрөшөөрүн жарыялашты.

Косовонун эки ири партиясы жаңы өкмөттүн курамы боюнча мунаса табышты. Мындай келишимге 2-февралда оңчул-улутчул деп мүнөздөлгөн "Ветевендосйе" ("Өзүн-өзү аныктоо") партиясынын лидери Албин Курти менен борбордук-оңчул "Косовонун демократиялык лигасы" партиясынын башчысы Иса Мустафа кол коюшту. Балкан аймагындагы бул өлкөдө 6-октябрдагы чукул шайлоодон бери өкмөт куралбай келген. Ал шайлоодо эки партия 120 орундуу парламентте 61 мандатка ээ болгону менен өкмөттүн курамы боюнча мунаса табылбай келген. Читать дальше...

Сербиялык теннисчи Новак Жокович Австралиянын ачык чемпионатынын финалында австриялык Доминик Тимди утуп алды. Муну менен ал мурдагы рекордун жаңыртып, Австралияда "Чоң шлемге" сегизинчи жолу ээ болгон биринчи теннисчи болуп калды.  32 жаштагы теннисчи 30-январдагы жарым финалда швейцариялык Рожер Федерерди жеңип алган. Жекшембидеги финалда ал 26 жаштагы Тим менен беш айлампада (6-4, 4-6, 2-6, 6-3, 6-4) күч сынашты.  Австралиядагы жеңишин кошкондо Новак Жоковичтин "Чоң шлем" титулдарынын саны 17ге жетти. Читать дальше...

«Элдик экономика» түрмөгүнүн алкагында, чет өлкөдөгү мигранттардын акча которуусунун азайганынын себептери, андагы экономиканын орду жана башка суроолорго экономист Эркин Абдыразаков жооп берди.

Өзгөн районунун Большевик айылынын тургуну Нурмамат Бөрүбаев жубайы Ташбүбү Тагаева экөө 2005-жылы үй-бүлөлүк балдар үйүн ачып, 15 жыл ичинде 26 бала тарбиялашты. Алардын жарымын эрезеге жеткирип, турмуш жолуна салган.

Дүйнөлүк басма сөзгө баяндама (27-январь - 3-февраль, 2020-жыл).

Казакстан Кытайдын Ухань шаарындагы 83 жаранын алып келди. Анын ичинен 80и студенттер. Алар өз өлкөсүнө дарыгерлердин коштоосунда учуп келишти. Эми алар ооруканада 14 күн карантинде болот. Коронавируска байланыштуу Казакстан Кытайга гуманитардык жардам катары 13 тонна медициналык каражаттарды жиберди. Соңку маалыматтарга караганда, Кытайда өпкөнүн сезгенишине алып келчү жаңы коронавирустан 304 адам өлүп, вирусту жугузгандардын саны 15 миң кишиге чамалады. 2-февралда Филиппинде 44 жаштагы адам коронавирустан каза болду. Читать дальше...

АКШнын мамлекеттик катчысы Майк Помпео 2-февралда Казакстандагы иш сапарынын алкагында Кытайдан келген казактар менен жолукту. Алар туугундары «саясий кайра тарбиялоо лагерлеринде» кармалып турганын айтышты. Анда Майк Помпео Казакстандын бийлигин Кытайдын Шинжаң аймагынан качып келген улуттук азчылыктарга башпаанек берүүгө чакырды. «Биз Кытайдан качып кетүүнү каалагандарга алардын коопсуздугу үчүн башпаанек берүүнү сурайбыз», - деди Помпео Казакстандын тышкы иштер министри Мухтар Тлеуберди катышкан басма сөз жыйынында. Читать дальше...

Кыргыз либерал-демократиялык партиясынын (КЛДП) теңтөрагасы, Жогорку Кеңештин депутаты Жанарбек Акаев учурдагы парламент бийликтен кандай гана буйрук түшпөсүн аткарып, элге каршы мыйзамдарды да кабыл алып жатканын айтты. Бул тууралуу ал 2-февралда КЛДПнын бет ачарында сүйлөп жатып билдирди. Депутат өзү мүчө болгон партия шайлоо мыйзамдарын түп-тамырынан бери өзгөртүп, Жогорку Кеңеш менен жергиликтүү кеңештердин депутаттарынын сапатын жакшыртууну максат кылып жатканын кошумчалады. - Биз жергиликтүү кеңештерге шайлоого катышабыз. Читать дальше...

Кыргызстан 2-февралда Кытайдын Ухань шаарындагы 18 жаранын алып келди. Бул тууралуу Саламаттык сактоо министрлиги билдирди. Мекеменин маалыматына караганда, алар Бишкекке казак тараптын жардамы аркасында атайын борт менен Нур-Султан шаары аркылуу жеткирилди. Алардын ден соолугу аэропорттон текшерилип, Бишкектин четиндеги ооруканага жаткырылды. Ухандан алынып келгендер карантинде болуп турат. Бул убакыт аралыгында алар менен дарыгерлер гана иштешет.  Соңку маалыматтарга караганда, Кытайда өпкөнүн... Читать дальше...

2-февралда Бишкекте Кыргыз либерал-демократиялык партиясынын (КЛДП) бет ачары болуп жатат. Анда партиянын негиздөөчүлөрүнүн бири, саясат талдоочу Сейтек Качкынбай бул партиянын артында таасирдүү саясатчылар турбагынын белгилеп, уюм прогрессивдүү жаштардан биригип жатканын билдирди. Ал партиянын багыты эркин экономика, салык төлөөчүлөрдү көбөйтүү жана коррупцияны азайтуу экенин айтты. Саясий майданга жаңыдан кошулуп жаткан партиянын курамында депутат Жанарбек Акаев, талдоочу Сейтек Качкынбай жана... Читать дальше...

Кыргызстандыктарды быйыл ажылык сапарга «Flaynas» авиакомпаниясы ташыйт. Бул тууралуу Кыргызстан мусулмандар дин башкармалыгынын басма сөз кызматы билдирди. Муфтият тараткан маалымат боюнча, кыргызстандыктарды 2020-жылдагы ажылык сапарга ташуу үчүн сынак өтүп, ажылыкты уюштуруу боюнча республикалык штаб «Flaynas» авиакомпаниясын тандап алды. Жыйынтыгында аталган компаниянын авиабилети былтыркыдай эле 1550 доллар болду.   Сауд Арабиясы ажылык сапар үчүн Кыргызстанга бөлгөн квотаны жыл сайын көбөйтүп жатат. Читать дальше...

«Кыргызгидромет» борбору кабарлагандай, 3-февралда Чүй облусунун кээ бир тоолуу райондорунда, Ош, Жалал-Абад, Баткен облустарынын тоо этектеринде жана тоолуу райондорунда кар жаайт. Жолдор тоңголок жана тайгак болот. Батыштан соккон шамалдын ылдамдыгы секундасына 4-9 метрден, күндүз тоолуу райондордо 15-20 метрге жетет. Абанын температурасы: Чүйдө түнкүсүн -1…+4, күндүз 9…14; Таласта түнкүсүн 0…-5, күндүз 8…13; Баткенде, Ошто, Жалал-Абадда түнкүсүн -1…+4, күндүз 9…14; Ысык-Көлдө түнкүсүн -2…-7... Читать дальше...

Күлсакун (башка документтерде Гүлсакун) Мергенбаев репрессияга 1938-жылы кабылган. Совет бийлигине кылган кызматынын натыйжасы атылуу менен аяктады.

Филиппинде 44 жаштагы адам жаңы коронавирустан каза болду. Бул биринчи жолу Кытайдан башка өлкөдө кимдир-бирөө вирустан өлгөн учур болуп калды. Бул тууралуу 2-февралда Дүйнөлүк саламаттык сактоо уюму билдирди. Соңку маалыматтарга караганда, Кытайда өпкөнүн сезгенишине алып келчү жаңы коронавирустан 304 адам өлүп, вирусту жугузгандардын саны 15 миң кишиге чамалады.  Дүйнөлүк саламаттык сактоо уюму 1-февралда билдирүү таратып, бардык мамлекеттерди жер-жерлерде коронавирустун жайылышына даяр болууга чакырган. Читать дальше...

АКШнын Ички коопсуздук боюнча министрлиги АКШнын президенти Дональд Трамптын администрациясы алты мамлекеттин, анын ичинде Кыргызстандын жарандарына иммиграциялык виза берүүнү чектеген чечими боюнча түшүндүрмө берди. Министрликтин расмий сайтындагы маалыматка ылайык, алты өлкөгө киргизилген визалык чектөө атайын мекеме аралык комиссиянын бир жылдык иликтөөсүнөн кийин киргизилди. Ал комиссиянын курамына Пентагондун, Мамдепартаменттин, Чалгын кызматынын өкүлдөрү кирген. Ага ылайык, 2018-жылдын... Читать дальше...

Узаган аптанын урунттуу окуяларына сереп (27-январь - 2-февраль, 2020-жыл).

Сузак районунда араб демөөрчүлөрүнүн эсебинен 23 млн. сомдук кыздар медресесинин курулушу башталды. Бул демилгени айыл тургуну көтөрүп, курулушка өз жер тилкесин өткөрүп берген. Бирок облустук казыят жана башка тийиштүү кызматтар азырынча курулуш иштерине уруксат болбогонун билдиришти.

Улуттук статистика комитети акыркы жылдары Кыргызстандын айыл чарба тармагында жылыш болбогонун, тескерисинче тармак кедерине кеткенин билдирди. Мекеменин маалыматына караганда, 2014-жылы айыл чарбасынын ички дүң өнүмдөгү үлүшү 14,7% болчу. 2018-жылы бул көрсөткүч 11,7% чейин кемиди.  2018-жылы өсүмдүк өстүрүүнүн көлөмү 2017-жылга салыштырмалуу 108,2 миллиард сомдон 100,5 миллиард сомго чейин же 7,7% азайган. Анын ичинен картөшкө өндүрүү 29%, жашылча 17,8%, бакча жемиштерин өндүрүү 6,1% жана жүзүм өндүрүү 8,8% азайган. Читать дальше...

Шинжаңдагы лагерлерде кармалган аялдарга алардын тукум улоо системасына таасир эткен дары-дармектерди күчтөп беришет. Алар кыйноого, жыныстык ыдыкка туш болушат. Көп учурда аларга медициналык жардам берүүдөн баш тартып коюшат.

Кытайдын Ухань шаарынан тараган өпкөнүн сезгенишине алып келчү жаңы коронавирустан 304 адам өлүп, вирусту жугузгандардын саны 14 380 кишиге жетти. Бул маалыматты Кытайдын саламаттык сактоо тармагынын өкүлдөрү билдиришти. Маалыматка караганда, вирус Кытайдан башка мамлекеттерге да тез тарап жатат. Соңку эки күндө Орусияда, Улуу Британияда жана Швецияда вирусту жугузган адамдар катталды. Коронавирустун жайылышынын алдын алыш үчүн АКШ жана Австралия соңку эки аптада Кытайда болгон адамдардын өлкөгө киришине убактылуу тыюу салды. Читать дальше...

Кыргызстандын Саламаттык сактоо министрлиги тараткан маалыматка караганда, 28-январдан 1-февралга чейин Кытайдан Кыргызстанга 196 киши келди. Анын ичинен 182си Кыргызстандын, 13ү Кытайдын жана бирөө башка мамлекеттин жараны. Алардын баары термосканер менен тиешелүү медициналык кароодон өтүп, коронавирус аныкталган эмес. Мекеме Кыргызстанда коронавирусту жугузуп алган адамдар каттала элек экенин кошумчалады. Азыркы тапта Кытайдан келгендердин ичинен Сокулук районунун ооруканасында үч, Беш-Күңгөй... Читать дальше...