Новости за 11.09.2022

Сербиянын Белград шаарында өтүп жаткан күрөш боюнча Дүйнө чемпионатында балбан Акжол Махмудов алтын медал тагынды. 11-сентябда финалдык таймашта ал грек-рим күрөшүнөн 77 кг салмакта венгриялык Золтан Леваини 8:0 эсебинде мөөнөтүнөн мурда утуп, дүйнө чемпиондугун жеңди. Мажар балбаны менен Акжол Махмудов буга чейин эки жолу беттешип, бир жолу жеңип, бир ирет утулган. Бул салмакта таймаштар 10-сентябрда башталган. Ал күнү Акжол Махмудов төрт атаандашын утуп, финалга чыккан. Алгач бразилиялык Жоилсон Де Брито Рамос Жуниорду 11:1... Читать дальше...

Москвада дайынсыз болуп жаткан тажикстандык блогер Комёр Мирзоев Дүйшөмбүнүн убактылуу кармоочу жайында экени аныкталды. Ал кантип, качан Тажикстанга жеткирилгени белгисиз. Туугандарынын айтымында, блогерди тажик атайын кызматтары уурдап кеткен болушу мүмкүн. Мирзоев 5-сентбярда Москвада кармалган. Лефортово райондор аралык прокуратурасынын өкүмүнө ылайык, ал Хорогдун Ички иштер башкармалыгында «кылмыштуу топту түзгөн жана ага катышкан» деген айып менен издөөдө турган. Бирок Тажикстан эч кандай далилдерди келтирбегендиктен... Читать дальше...

Карл III (Чарльз) Британия жана шериктештикке кирген мамлекеттердин падышасы болуп расмий жарыяланды. Тактыда 70 жыл отурган Елизавета II 96 жашында көз жумду. Ал эмнеси менен элдин эсинде калды?

Кытайдын Казакстандын Алматы шаарындагы консулдугунун алдына Шинжаңдагы туугандарын бошотууну талап кылып чыккандар  аларга басым күчөгөнүн билдиришүүдө. Активисттердин сөзүнө караганда, аларды 9-сентябрда калаа акимчилигине чакырышып, Нур-Cултанга барбай турууну, болбосо 15 суткага камаларын эскертишкен. Казакстандын Тышкы иштер министрлигинин билдирүүсүнө ылайык, Кытайдын лидери Си Цзинпин Нур-Султанга 14-сентябрда барары күтүлүүдө. Анын мамлекеттик сапарын утурлай Шинжаңдагы казактардын... Читать дальше...

11-сентябрда Пакистандын суу ташкындан катуу жабыркаган Синд провинциясына эки америкалык учак 35 тоннадан жүк жеткирди. Улуттар уюмунун баш катчысы Антониу Гуттериш 10-сентябрда өлкөнүн бир нече аймагын кыдырып, табият кырсыгынан жапа чеккендерге жардам көрсөтүүгө эл аралык коомчулукту чакырды. «Бүгүн бул Пакистан, эртең сиз жашаган өлкө болуп калышы мүмкүн. Бул глобалдык кризис, ага глобалдык жооп керек»,-деди Гуттериш. Пакистан жалпы чыгымды 30 миллиард доллар деп эсептеп жатат. Өкмөт жана... Читать дальше...

Ооганстандын чыгышындагы Пактия провинциясында ондогон кыздар 10-сентябрда мектептин күтүүсүз жабылышына каршы акцияга чыгышты. Билим уясында сабактардын жанданганына бир нече эле күн болгон жана алтынчы класстан жогоркуларга мектепке барууга уруксат берилген. Провинциянын билим берүү бөлүмүнүн башчысы "Азаттыктын" ооган кызматынын суроолоруна жооп берүүдөн баш тартты. Ал эми талибдердин өкмөтүнүн өкүлү Забихулла Мужахид Пактияда мектептерди жабуу тууралуу буйрукту ким бергенин иликтеп жатышканын билдирди. Читать дальше...

12-сентябрда түнкүсүн жана күндүз өлкөнүн көчпүлук аймагында өткүн өтүп, күн күркүрөшү ыктымал. Күндүз Талас жана Чүй облустарында жаан жаабайт. Батыштан соккон шамалдын ылдамдыгы секундасына 4-9 метрден, күндүз айрым жерлерде 15-20 метрге жетет. Абанын температурасы: Чүй облусунда түнкүсүн 8...13, күндүз 20…25; Талас жергесинде түнкүсүн 0...5, күндүз 15…20; Баткен, Ош, Жалал-Абад дубандарында ​түнкүсүн 12…17, күндүз 21…26; Ысык-Көл облусунда түнкүсүн 5...10, күндүз 18...23; Нарын облусунда түнкүсүн 7…12... Читать дальше...

Британ ханышасы Елизавета II акыркы сапарга узатуу зыйнаты дүйшөмбү күнү, 19-сентябрда болот. Тажыя Лондондогу Вестминстер чиркөөсүндө өтөрүн ишемби күнү Букингем сарайынан билдиришти. Ханышанын сөөгү салынган табыт жекшемби күнү ал көзү өткөн Шотландиядагы Балморал сарайынан Эдинбургга алып барылат. 12-сентябрда Ыйык Эгидий соборунда жаңы падыша Карл III жана падышалык үй-бүлө мүчөлөрүнүн катышуусунда эскерүү иш-чарасы өтөт. Бул күнү Шотландиянын жашоочуларына ханыша менен коштошууга шарт түзүлөт. Читать дальше...

Быйыл октябрь айында Казакстанда Кыргызстандын маданият күндөрү өтөт. Маданият, маалымат, спорт жана жаштар саясаты министринин орун басары Чыңгыз Эсенгул уулу Казакстандын Маданият жана спорт министрлигинин өкүлү Роза Карибжанова менен 10-сентябрда жолугушуп, эки тараптуу кызматташтыкты жана жакында өтө турган иш-чараны талкуулашты. Бул тууралуу министрликтин басма сөз кызматы кабарлады. Жолугушуу Нур-Султан шаарында КМШга мүчө мамлекеттердин Маданий кызматташтык кеңешинин жыйынынын алкагында уюштурулду. Читать дальше...

“Бийлик сырлары” берүүбүздүн коногу - Улуттук коопсуздук комитетинин төрагасынын мурдагы орун басары, генерал, мурдагы элчи Мирослав Ниязов болду.

Президент Садыр Жапаров 11-12-сентябрда иш сапары менен Жалал-Абад облусуна барат. Бул тууралуу мамлекет башчынын басма сөз кызматы кабарлады. Расмий маалыматка караганда, эки күндүк сапардын жүрүшүндө президент аймактагы ишканалардын ишмердүүлүгү менен таанышат. Маалыматта ал кайсы объектилер экени так айтылган эмес. Ушул күндөрү Министрлер кабинетинин төрагасынын орун басары Бакыт Төрөбаев, башкы прокурор Курманкул Зулушев баштаган бийлик өкүлдөрү аймактарды кыдырып жүрүшөт. Буга чейин алар Ош... Читать дальше...

Кыргызстандын Улуттук коопсуздук боюнча мамлекеттик комитети эл аралык издөөдө жүргөн "Катиба Таухид валь-Жихад" диний уюмунун лидери, кыргызстандык Сирожиддин Мухтаровдун өлтүрүлгөнү тууралуу маалыматты тактап жатат. Бул тууралуу УКМКнын басма сөз кызматы "Азаттыкка" билдирди. "Учурда УКМК бул террористтин өлүмүнүн жагдайын тактоо иштерин жүргүзүүдө. Бардык жагдайлар аныкталгандан кийин бул факты боюнча кошумча маалымат беребиз", - деп айтылат маалыматта. Орусиянын жана Кыргызстандын бир катар... Читать дальше...

Башкы прокурор Курманкул Зулушев Оштун айрым райондорундагы милиция жетекчилерин сынга алып, отчеттуулук үчүн кыйноо фактылары көп болуп жатканын билдирди.  "Көчө балдары менен аралашып калыпсыңар" Ушул күндөрү Министрлер кабинетинин төрагасынын орун басары Бакыт Төрөбаев, башкы прокурор Курманкул Зулушев баштаган бийлик өкүлдөрү Ош облусунда эл менен жолугуп жүрөт. Социалдык тармактарда жолугушуулардын биринде башкы прокурор Курманкул Зулушев милиция кызматкерлеринин мушташына өзү күбө болгонун айтып, чара көрүүнү тапшырган видеосу тарады. Читать дальше...

14-15-сентябрь күндөрү Бишкекте “Улуттук инновациялык экосистеманы курууда университеттердин ролу” деп аталган ректорлордун дүйнөлүк форуму өтөт. Бул тууралуу Билим берүү жана илим министрлигинин басма сөз кызматы кабарлады. Маалыматка караганда, форумга дүйнөнүн 100дөн ашык өлкөсүнөн келген жогорку окуу жайлардын ректорлору катышат. Алар университеттердин илимий жана инновациялык ишмердүүлүгүнүн натыйжалуулугун жогорулатууну, интеллектуалдык менчикти коммерциялаштырууну жана технологияларды өнүктүрүү ыкмаларын талкуулашат. Читать дальше...