Новости за 22.02.2023

«Ала-ТВ» компаниясынын негиздөөчүсү Артур Халдаров алдамчылыкка шектелип Бишкектин тергөө абагына камакка алынды. Ага Кылмыш-жаза кодексинин “Алдамчылык” беренесинин негизинде иш козголуп, териштирүү жүрүп жатканын 22-февралда “Азаттыкка” Башкы прокуратуранын басма сөз кызматы тастыктады. Мекеменин маалыматына караганда, арызданган адам Халдаров аны 103 миллион сомго алдап кеткенин билдирген. Халдаров эки жыл мурда дагы бир иш боюнча айыпталып, 280 миң сомдук айыпка жыгылган. Буга 2020-жылдын... Читать дальше...

Караколдо ажырашкан күйөөсүнүн колунан каза тапкан келиндин өлүмү боюнча сот өкүмү чыкты. Каракол шаардык сотунунун 20-февралдагы чечимине ылайык, кылмышка шектүү 15 жылга соттолду. Бул тууралуу "Азаттык" радиосуна укук коргоочу Камил Рузиев билдирди. Каргашалуу окуя былтыр 9-ноябрда Караколдогу “Кумтөр” деп аталган соода борборунда болгон. Каза болгон келин 30 жашта болгону, 35 жаштагы күйөөсү менен ажырашып кеткени, экөө сүйлөшүү үчүн жолукканы, ортодо уруш чыгып, күйөөсү аялын бычактаганы маалымдалган. Читать дальше...

Жалал-Абад облусунун Базар-Коргон, Сузак, Аксы, Ноокен району жана Кара-Көл, Майлуу-Суу, Жалал-Абад шаарларында жалпы 1160 кожолук жер көчкү, таш кулоо, кар көчкү, сел каптоо коркунучу бар аймактарда жашап жатышат. Бул тууралуу Өзгөчө кырдаалдар министрлиги (ӨКМ) кабарлады. ӨКМ кызматкерлери ал үй-бүлөлөргө коопсуз аймакка көчүү жөнүндө түшүндүрүү иштери жүргүзүп жатышат. “Мамлекет тараптан керектүү ссудаларды жана турак жай салуу үчүн жер тилкелерин алып, бирок коопсуз аймакка көчпөгөн үй-бүлөлөрдүн документтери чогултулуп... Читать дальше...

Кыргызстанда бүгүнкү күндө макамы аныктала элек 122 конуш бар экенин бүгүн 22-февралда Жогорку Кеңеште маалымат берип жатып Мамлекеттик кызмат жана жергиликтүү өз алдынча башкаруу иштери боюнча мамлекеттик агенттиктин директорунун орун басары Мурад Байдылдаев билдирди.  Жалпысынан, анын айтымында, өлкөдө 1981 айыл бар. Бүгүнкү отурумда Баткен, Жалал-Абад, Ош жана Ысык-Көл облустарынын аймагындагы 15 калктуу конушту айыл категориясына өткөрүү тууралуу мыйзам долбоору экинчи окууда кабыл алынды. Читать дальше...

Бишкектеги Ботаникалык бак маселеси бүгүн 22-февралда Жогорку Кеңештин жалпы жыйынында көтөрүлдү. Депутат Эмил Жамгырчиев Горький көчөсүндөгү бактын аянты 50 гектар, Ахунбаев көчөсүндөгү бактыкы 100 гектар экенин, мекемеде 60 кызматкер бар болгону менен алардын 40ы илимий, ал эми чарбалык иштерге жооптуулар 20 эле адам болуп жатканын белгилеп, маселеге көңүл бурууга чакырды: “150 гектарды 20 адам карайт экен. Ботаника багынын абалын караңыздарчы, ит баспай калды ал жакка. Канчалаган баңгилер жүрөт, зордук-зомбулук болуп жатат. Читать дальше...

"Ыйман Нуру” фракциясынын жетекчиси Нуржигит Кадырбеков Жогорку Кеңештин 22-февралындагы жыйынында өлкөдө көчөт отургузуу өнөктүгүн жандандыруу боюнча атайын баяндама жасады. Эл өкүлү токойлордун аянты кыскарып, бардык аймакта жашылдандыруу иштери чабал болуп жатканын сындады. “Мамлекет башчыбыз “Жашыл мурас” деген акция баштаган. Парламент аны колдоп “Жашыл Кыргызстан” деген токтом кабыл алып бергенбиз. Өкмөт кылат деп ишенбей эле коелу. Ушул жерде ал боюнча отчет алдык. Өткөн жылы 6 млн. дарак отургуздук дейт. Читать дальше...

Бишкектеги Ататүрк паркынын бактарын кыюу уланып, кабат үйлөр курулат деген коркунуч бар экенин бүгүн 22-февралда Жогорку Кеңештин жалпы жыйынында депутат Дастан Бекешев айтып чыкты. Ал парктын чек арасы алигүнчө аныктала электигин белгилеп, маселеге президенттин көңүлүн бурдуруу зарылдыгын кошумчалады: “Ошондон пайдаланып курулуш компаниялары, албетте, мамлекеттик органдардын макулдугу менен, бир топ курулуш курабыз деп сонун пландарын айтып жатышат. Алардын ичинде бир компания биздин кесиптешибиздики. Читать дальше...

Жалал-Абаддын Сузак районундагы Кызыл-Туу айыл аймагындагы Мундуз айылында "Чолпонай" деп аталган диний билим берүү борбору жабылды. Бул тууралуу Улуттук коопсуздук кызматы (УКМК) маалымдады. Атайын кызмат диний окуу борборун текшерүү учурунда 2022-жылы “Дин тутуу эркиндиги жана диний уюмдар жөнүндө” мыйзамын бузуу менен негизделгенин аныктаган. Диний борбор жабылып, “Укук бузуулар” беренесинин негизинде 5500 сом айып салынды. УКМК айып кимге салынганын маалымдаган жок. УКМКнын маалыматында диний борбордо үч киши сабак берген. Читать дальше...

“Азаттык Медиа” мекемесинин жактоочусу Нурбек Сыдыков ИИМдин тергөөчүсү Улан Жапеков кылмыш ишинин материалдарын бербей жатканын кабарлады. Адвокаттын айтымында, тергөөчү ИИМдин жетекчилигинен уруксат алуу керек экенин билдирген. Бишкектин Биринчи Май райондук соту 21-февралдагы отурумда банк эсептерин бөгөттөөгө негиз болгон кылмыш ишинин материалдарын "Азаттыкка" берүүгө Ички иштер министрлигин (ИИМ) милдеттендирген. Ишти караган судья Тилек Турдукулов "Азаттык" үналгысынын "Демирбанктагы"... Читать дальше...

Жогорку Кеңештин депутаты Кундузбек Сулайманов Жалал-Абаддын Майлуу-Суу шаарынын калкы кыш чилдеде жылуулуксуз калып, бир топ чыгымга учураганы үчүн жергиликтүү бийлик өкүлдөрүнүн жоопкерчилигин кароону сунуштады. “Жергиликтүү бийлик кызматкерлери - мэрден баштап, вице-мэр, шаардык суу каналдын жетекчисинин шалаакылыгынан 44 млн. сом чыгым болуптур. Алардын кызмат ордун эмес, укуктук баа бериш керек. Канчалык деңгээлде өз милдетин так аткарышты? Азыр ошол чыгымды мамлекет төлөп берсин деп жатышат”, - деди Сулайманов. Читать дальше...

Кыргызстандын мурдагы жана азыркы президенттеринин Дубайдагы жолугушуусу тууралуу президент Садыр Жапаров “Кабар” маалымат агенттигине маек курду. Ал бийликтин негизги максаты - элди ынтымакка чакыруу экенин кайталады. Коомчулукта бул окуянын айланасындагы кызуу талкуу токтой элек. Президент Жапаров 21-февралда “Кабар” агенттигине курган маегинде мындай форматтагы жолугушуу тууралуу мурдагы президенттерге алдын ала эскертилбегенин айтты. "Бири-бирине айткан жокпуз. Бул чындык. Айтсак айрымдары келбей коет эле. Читать дальше...

Кыргызстан мусулмандар дин башкармалыгы (муфтият) Оштун Ноокат районунда "Равза" деп аталган медресе расмий катталбаганын, бала диний имаратта сабалган эмес деген билдирүү таратты. Муфтият “аталган окуя боюнча ички териштирүү жүргүзүүдө” деп билдирди. Өткөн жылдын 9-декабрында Оштогу уруксат кагаздары жок медреседе 12 жаштагы өспүрүм катуу токмок жеп, аймактык оорукананын жандандыруу бөлүмүнө түшкөнү 20-февралда белгилүү болгон. Бул окуя учурда социалдык тармактарда кызуу талкуу жаратууда. Оштун... Читать дальше...

Жумгалдын Кара-Кече көмүр кенинен 2022-жылы 1 млн. 352 тонна көмүр казылды. Жыл башынан бери 287 тонна кара отун өндүрүлдү. Бул тууралуу президенттин Нарын облусундагы өкүлчүлүгү кабарлады. 21-февралда Министрлер кабинетинин төрагасы Акылбек Жапаров баштаган тийиштүү жетекчилер Кара-Кече кенинде болуп, экологияны сактоо менен көмүр казууну улантуу керек экенин белгиледи. Жапаров Суусамыр – Арал жолу быйыл толук оңдолуп бүтөөрүн айтып, көмүрдү Өзбекстанга экспорттоо зарылдыгын билдирди. Кыргызстан күз-кыш мезгилине карата 2 млн. Читать дальше...