Борбор Азия лидерлеринин 2023-жылдагы дипломатиялык жадыбалы интенсивдүү болуп, бийик деңгээлдеги жолугушуулар көнүмүшкө айланды. Беш мамлекеттин жетекчилери Орусиянын, Кытайдын, Евробиримдиктин лидерлери, Араб өлкөлөрүнүн башчылары, АКШ президенти, Германиянын канцлери менен жолукту. Борбор Азияны кимдер жана кандай максатта бооруна тарткысы келет? “Биз жана дүйнө” программасынан көрүңүз.
Кемпир-Абад иши боюнча абакта жаткандардын жакындары акция өткөрдү. Шаардык сот абактагы 11 адамды камакта калтырды. Түркияда токойдо көмүлгөн кыргызстандык аялдын сөөгү табылганы кабарланды. Кылмышка шектелип жергиликтүү тургун кармалды. Казакстанда бороон жүздөгөн айыл-кыштакты электр жарыксыз калтырды. Суукта калып, дайынсыз болуп жаткан эки кишинин сөөгү табылды.
Президент Садыр Жапаров чет өлкөдөн келген инвесторлорду алдап кеткен фактылар катталып, укук коргоо органдары алгарга чара көрүп жатканын маалымдады.
2023-жылы Орусияда миграциялык эреже-талаптар катаалдашып, борбор азиялык мигранттарга карата басым күчөдү.
2023-жыл "Эркин Европа/Азаттык" радиосу маалымат тараткан аймактарда эмнеси менен эсте калды?