Жаңы жыл алдында мамлекеттик сыйлык тапшыруу аземинде эстрада ырчысы Нурлан Насиптин композитор катары тааныштырылганы социалдык тармактарда кызуу талкуу жаратты. Айрымдар ырчыны колдоого алса, башкалар обончу менен композиторду айырмалай албай калган деңгээлге жеттик деп сын-пикирлерди калтырууда.
Казакстанда мындан туура эки жыл мурда, ушул күндөрү кандуу Январь окуясы болгон. Анда бийликчил басылмалар нааразылыкка чыккандар бир канча кызды зордуктаганы тууралуу маалымат тараткан. Бирок бул кабар кийин далилдеген жок. Дүрбөлөң учурунда айтылган окшош кабарлардын көбү Токаевдин оозунан да чыккан. "Азаттыктын" казак кызматы кандуу күндөрдө тараган фейк маалыматтар тууралуу видео даярдады. Видео казак тилинде.
Финансы министрлиги Кыргызстандын мамлекеттик карызынын көбөйүшүнө байланыштуу түшүндүрмө берип, муну ички карыздарга басым жасалганына байланыштырды.