Кыргызстанда күн сайын 15 кишиден зыяндуу шишик аныкталып турат. 2022-жылы өлкөдө 6175 онкологиялык бейтап каттоого алынса, анын дээрлик тең жарымы айымдар. Алардын ичинен эң көбү эмчек рагына чалдыккандар. Алсак, 2022-жылдын ичинде 684 айымдан бул дарт табылган. Эмне үчүн эмчек рагы көп катталып келет? Бул илдетке чалдыккан айымдар көбүнесе кандай ката кетиришет? Бул чыгарылышта зыяндуу шишик менен кошо тооруган көйгөйлөргө токтолобуз.
Сузактык 34 жаштагы тургуну Мунарбек Апаев 22-декабрда чогуу отурган шериктери менен уруша кетип, алган жараатынан улам ооруканада каза болгон. Милиция кылмышка шектүүнү камаган. Маркумдун жакындары тергөөнүн журүшүнө нааразы болуп, күнөөлүүлөр жазасыз калат деп кооптонуп жатышат.
Жакында эле орус армиясынын катарында согушкан кыргыз жигит “Ооба, кыргызмын, бирок өзүмдү орусиялык сезем" деп айтты.
Мурдагы энергетика министринин орун басары, өлкөнүн өнөр жайына эмгек сиңирген ишмер Райымбек Мамыров Бишкек Жылуулук электр борборундагы жарылууга байланыштуу "Азаттыктын" суроолоруна жооп берди.
Соңку жети жылда экинчи ирет катталган кырсыктан кийин адистер ЖЭБди жаңылоодо жаңыча ыкмаларды да карап көрүү зарыл экенин айтууда. Өкмөттүн маалыматына караганда ЖЭБди оңдоого байланыштуу Орусиядан кошумча адистер келет.
Борбордук шайлоо комиссиясы (БШК) 2-февралда Жогорку Кеңештеги "Альянс" фракциясынан шайланган депутат Эмил Жамгырчиевдин мандатын мөөнөтүнөн мурда токтотту. Ушул эле жыйында Элдар Абакиров менен Айсулуу Мамашова аталган фракциянын өкүлдөрү катары мандат алышты.
Өткөн аптада өзбек парламентинин вице-спикери орус тилиндеги берүүлөрдү чектөө маселесин козгогон. Орус телеканалдарын Борбор Азияда да эркин көрүүгө болот.
“Азаттык” радиосу Кыргызстандагы карапайым элдин турмушун, дүйнөнүн булуң-бурчундагы журтташтардын жашоосун, дүйнөдөгү жана региондогу тенденцияларды социалдык тармактардагы платформаларында талбай чагылдырып келет. Алдыда “Азаттыктын” соңку бир жыл ичинде топ жарган берүүлөрүн эске салабыз.
