АКШ орусиялык ракета менен спутник учурууну токтотот
Тиешелүү буйрук АКШнын федералдык реестрине 31-майда жарыяланды. Мындай кадам соңку жылдары Москва менен Вашингтондун ортосундагы мамиле начарлап кеткени үчүн кабыл алынган.
АКШнын бул кадамы Илон Маск менен Жефф Безос түптөгөн SpaceX жана Blue Origin өңдүү америкалык бизнес долбоорлордун өнүгүшүнө салым кошору айтылууда.
“Роскосмос” компаниясынын алдындагы ракеталарды космоско кое берүү жаатында иш алпарган ILS ишканасынын маалыматы боюнча орусиялык “Союз” жана “Протон” ракеталары америкалык спутниктерди учуруу үчүн колдонулуп келген. Анын ичинде АКШ өкмөтүнүн спутниктери да болгон.