Польша АКШнын аскерлерин чыгыштагы чек арасына жайгаштырат
Өткөн аптада Вашингтон менен Варшава Германиядан Польшага миңдей аскерди жана чалындоо максатында пилотсуз учактар бөлүмүн жөнөтүүнү макулдашкан. Бул үчүн Варшавада атайын аэродром да курулмакчы.
Дональд Трамп «АКШ Польшаны Орусиянын аргессиясынан коргойт» деп айткан. Расмий Москва мындай дооматтар көбүртүлүп-жабыртылганын билдирип, АКШ менен Польшанын планы «аскердик чыңалууну курчутат» деп эскерткен жана жооп катары чара көрүүгө убада берген.