Салянованын инисинин өлүмү боюнча сотто Сегизбаев суракка алынбай калды
Жабырлануучулар Саляновдун өлүмүнө айыпталгандардын биринин энесин суракка алууну өтүшкөн. Ал өтүнүч да четке кагылып, кийинки сот 13-январга белгиленди.
Буга чейин Аида Салянова сотто Абдил Сегизбаевди да сотко чакырып, суроого жооп беришин талап кыларын билдирген. Ал кармалган шектүүлөр УКМК менен байланышы болушу мүмкүн деп шек саналып жатканын айткан.
42 жаштагы Улан Саляновду 2017-жылы 6-ноябрда Бишкектин четинде жайгашкан Көк-Жар конушундагы үйүнө кирип, атып кетишкен. ИИМ бул кылмыш үчүн үч киши шек саналып жатканын кабарлаган. Улан Саляновдун өлүмү боюнча ишти Бишкектин Биринчи май райондук соту 2018-жылы сентябрда карай баштаган.
ИИМ бул кылмыш үчүн жалпы үч киши - Эрмек Осмонкулов, Асанэмир Абыкулов жана Заур Насруллаев шек саналып жатканын жарыялаган. Булардын арасынан Осмонкулов 2017-жылдын 27-декабрында Бишкектен кармалган. Абыкулов Москвадан колго түшүп, быйыл май айында Бишкекке жеткирилген. Үчүнчү шектүү, орус жараны Насруллаев да Екатеринбург шаарынан 2018-жылы август айында кармалган. (BkA)