Казакстан: 18 полициячы каза таап, 2298 киши кармалганы расмий кабарланды
Маалыматка караганда, Улуттук гвардия менен полициянын 748 өкүлү жаракат алды. Каршылык акцияларынан кийин тутанган тополоңго байланыштуу 2298 киши кармалды.
Министрлик карапайым адамдардын арасындагы жоготуулар тууралуу маалымат бере элек. Азырынча бийлик күч органдарынын арасында өлгөндөрдү айтуу менен гана чектелүүдө.
Буга чейин Алматы полициясы ондогон адам каза болгонун кабарлаган. Калаанын башкы аянтындагы атышууда да окко учкан жарандар бар экенин журналисттер жазууда.