Креативдүү экономиканы өнүктүрүү боюнча жарлык чыкты
Ага ылайык, Министрлер кабинети белгиленген тартипте креативдүү экономикасын өнүктүрүү концепциясын бекитип, креативдүү индустриялар классификациясын аныктап, бул багытта атайын парк түзүшү керек.
2022-жылдын 1-октябрына чейин креативдүү индустрияларды өнүктүрүүгө, креативдүү индустриялар паркынын, анын башкаруу органдарынын, резиденттердин иштөөсүнө, креативдүү индустриялар паркынын режимин түзүүнүн негизги принциптерин аныктаган ченемдик-укуктук актылардын топтому иштелип чыгып, Жогорку Кеңешке мыйзам долбоору сунушталат.
БУУнун Башкы Ассамблеясы 21-апрелди Дүйнөлүк чыгармачылык жана инновациялык ишмердик (креативдүү экономика) күнү деп, 2021-жыл БУУ тарабынан туруктуу өнүгүү максатында Креативдүү экономиканын эл аралык жылы деп жарыяланган.