Композитор Муратбек Бегалиев Франциянын ордени менен сыйланды
Франциянын маданият министри Рима Абдул-Малак Кыргыз Республикасынын эл артисти Муратбек Бегалиевге Искусство жана көркөм адабият орденинин кавалери наамын ыйгарды.
Сыйлыкты Франциянын Кыргызстандагы ыйгарым укуктуу элчиси Франсуа Делаус 18-ноябрда тапшырды.
Наамды тапшыруу аземи Абдылас Малдыбаев атындагы Улуттук академиялык опера жана балет театрында өттү.
Франциянын Искусство жана адабият ордени 1957-жылы искусство, адабият тармагындагы жетишкендиктери үчүн кошкон салымы үчүн өзгөчөлөнгөн инсандарга ыйгаруу максатында түзүлгөн.
Белгилүү композитор, Кыргызстандын эл артисти Муратбек Бегалиев 30дан ашуун кинофильмдердин, бир катар спектаклдердин музыкасын жазган, "Манас", "Помпейдин акыркы күнү" ж.б. симфониялардын автору.
Калый Молдобасанов атындагы Улуттук консерваторияны 1993-жылы ошол кездеги президенттин буйругу менен негиздеп, жетектеп келет. (ZKo)