ИИМ майрам алдында жол кирени көзөмөлдөй турганын билдирди
Жол кыймылынын коопсуздугун камсыздоо боюнча башкы башкармалыгы Бишкектеги автобекеттерди кыдырып, шаар аралык каттамдагы маршруттук жана жеке таксилерди текшерип жатканын кабарлады.
“Айрым айдоочулар жол кире акысын өз алдынча көтөрүп алгандыктан, алардын фирмаларынын жетекчилери менен жолугуп, эскертүү берилген. Өз алдынча көтөрүп алышкан жол кире мурдагы бекитилген тарифине түшүрүлдү”, - деп айтылат билдирүүдө.
Жаңы жыл майрамына карата Бишкек шаарынан аймактарга каттаган жарандар, студенттер көбөйөт.
Буга байланыштуу майрам алдында жол кире эки эсеге көтөрүлүп кетет. (TSh)