Бишкек мэриясы таштанды төгүүчү жайдагы өрт өчүрүлгөнүн билдирди
Калаа бийлиги таштанды полигонунун аймагын ирээтке келтирүү жана айланасына тосмо куруу иштери уланып жатканын билдирди.
Бишкектеги таштанды төгүүчү жай 1978-жылдан бери колдонулуп жатат жана убагында 400 миң кишиге эсептелген. Азыр борбордо миллиондон ашык киши жашайт.
Полигондогу таштанды күйүп, шаарды кышы-жайы дебей түтүн каптап жатканына нааразылыктар тынбай айтылып келет.
Маселени чечүү үчүн Кыргызстан 2018-жылы Европа Биримдиги менен Европа банкынан 22 миллион евролук насыя жана грант алып, таштанды жайын көмүү, жаңысын ишке киргизүү иштери жасаларын жана акыр-чикирди ылгоочу завод курулары айтылган. Бирок долбоор дагы деле бүтө элек.
Бул боюнча “Азаттыктын” атайын иликтөөсү да чыккан. (BTo)