Прокуратурадан тергөөнү алуу сот ишин жакшыртабы?
Быйыл 29-июнда Жогорку Кеңештин жыйынында "Кыргыз Республикасынын прокуратурасы жөнүндө" мыйзамга өзгөртүү, толуктоолор киргизилди. Ошондой эле депутаттар Кылмыш-жаза процессуалдык кодексине да ушул багытта өзгөртүү киргизилди. Ага ылайык прокуратура органдарынын тергөө функциясы Улуттук коопсуздук мамлекеттик кызматына жана ички иштер министрлигине өткөрүлүп берилди. Ушул окуядан кийин жарандар адилет тергөөгө ишене алышабы? Буга чейин тергөө кандай болуп келди эле? Сот адилеттиги өкүм сүрөбү? Мына ушул суроолорду бугүн талкуулайбыз. Студиябызда ички иштер министринин мурдагы орун басары Өмүрбек Эгембердиев жана юридика илимдеринин кандидаты, эксперт Аслан Кулбаев, ал эми телефондон биз менен байланышта укук коргоочу Динара Ошурахунова болмокчу.