Чек арадан Ташиевдин атын айтып өтүүгө аракет кылган адам камалды
Улуттук коопсуздук мамлекеттик комитетинин маалыматында, 22-июлда түнкү саат 2:30 чамасында Toyota Land Cruiser үлгүсүндөгү автоунаа чек ара сызыгына баш ийбей, каршы тилкеге чыккан.
Күч кызматкерлери аны токтотуп, кармаган учурда ал атайын кызматтын жетекчиси Камчыбек Ташиевдин уулу Таймурас Ташиев менен байланышы бар экенин айтып, бошонуп кетүүгө аракет кылган.
Аталган жаранга Кылмыш-жаза кодексинин 378-(Мамлекеттик чек арадан мыйзамсыз өтүү) беренесинин негизинде кылмыш иши козголуп, ал УКМКнын убактылуу кармоочу жайына киргизилди. (MKt)