Сауд Арабиянын ханзадаасы Ирандын тышкы иштер министри менен жолукту
Эки өлкөнүн узак жылдарга созулган тирешүүсүнөн кийин жогорку даражалуу өкүлдөрү алгачкы ирет сүйлөшүү өткөрүштү.
17-августта падышачылыкка келген Абдоллахиян эки мамлекеттин алакалары "оң жолдо" экенин айткан.
Ирандын маалымат каражаттары делегациядагы өкүлдөрүнө шилтеме кылып жолугушуу "абдан жакшы өткөнүн" кабарлашты.
Саудиянын SPA мамлекеттик маалымат агенттиги тараптар эл аралык жана аймактагы окуяларды талкуулашканын билдирди.
Аймактык эки ири держава узак жылдарга созулган жаңжалдан кийин майда Бээжиндин арачылыгы менен дипломатиялык тирешине чекит коюп, элчиликтерин кайра ачуу тууралуу макулдашкан.
6-июнда Иран жети жылдан кийин Эр-Риядда кайрадан элчилигин ачты.
Эки мамлекеттин ортосундагы көп жылдан берки касташуу Жакынкы Чыгыштагы туруктуулукка коркунуч туудуруп келген.