Ысык-Көлдө самбо боюнча Дүйнө кубогу башталды
Чолпон-Ата шаарындагы “Газпром-балдарга” ден соолукту чыңдоо борборунда эркектер, кыз-келиндер арасында күжүрмөн жана спорттук самбо боюнча Дүйнө кубогу башталды. Мелдешке 11 өлкөдөн спортчулар катышып жатканын Дене тарбия жана спорт департаменти билдирди.
Мелдештин программасына ылайык, 22-августта спорттук самбо боюнча эркектер арасында 58, 64, 71, 79, 88, 98, 98+ килограмм салмактарда, ал эми күжүрмөн самбо боюнча кыздар арасында 59 килограмм, 65 килограмм, 72 килограмм салмакта беттештер өтөт.
Самбо боюнча Дүйнө кубогуна Кыргызстан, Казакстан, Өзбекстан, Түркмөнстан, Болгария, Азербайжан, Армения, Кытай, ФИАС 1 (Орусия), ФИАС 2 (Беларус) жана Израилден келген спортчулар катышууда. Мелдеш 23-августта жыйынтыкталат.
2022-жылдын ноябрында Кыргызстан биринчи жолу самбо боюнча Дүйнө чемпионатын өткөргөн.(GT)