Туберкулезны кисәтү буенча "кайнар линия" эшлиячәк
Барлык сораулар буенча консультацияләр биреләчәк.
24 мартта Кулланучылар хокукларын яклау һәм кеше иминлеге өлкәсендә күзәтчелек буенча федераль хезмәтнең ТР буенча идарәсендә туберкулезны кисәтү буенча "кайнар линия" ачыла.
Кабул итү сәгатьләре иртәнге сәгать 9.00 дан кичке 17.00кә кадәр. Элемтә өчен телефон (843)238-21-74.
Барлык сораулар буенча консультацияләр биреләчәк.Искәртеп узабыз, 24 март - Бөтендөнья туберкулез белән көрәш көне буларак билгеләп үтелә.Халыкка туберкулез авыруы хакында күбрәк мәгълүмат җиткерү, кисәтү чараларын аңлату максатыннан, бу көнне “Биектау Fm” радиосы киңлекләрендә “Сәламәт булыйк” сәхифәсе дөнья күрәчәк. Сәхифә кунагы – “ТРда Гигиена һәм эпидемиология үзәге сәламәтлек саклау учреждениясенең Арча, Биектау районнарындагы филиалы табиб-эпидемиологы Гөлсинә Гайнетдинова.