БИ-ИР КУЛИШМАЙМИЗМИ, ТОҒА?..
* * *
Психиатр қабулига она қизини олиб келди.
Она:
— Биласизми, қизим юрган йўлида кулаверадиган бўлиб қолди.
Врач:
— Сиз қизингизнинг сочини янаям қаттиқроқ турмакласангиз, нафақат куладиган, балки, гапирадиган ҳам бўлиб қолади.
* * *
Профессор дистрофиклар палатасига кириб деди:
— Салом, лочинлар!
— Биз лочинлар эмасмиз. Ҳамшира шамоллатгични ёқиб қўйди холос.
* * *
Бир киши касалхонага келиб ҳамширага деди:
— Мен бемор Тошматовни кўришим керак эди.
— Портлаган динамит остида қолганми?
— Ҳа, ўша.
— У 23, 24, 25-палаталарда ётибди.
* * *
Болакайдан сўрашди:
— Айт-чи, энг катта орзуинг нима?
— Бизнинг маҳаллий футбол жамоамиз шахмат бўйича жаҳон чемпиони бўлишини хоҳлайман.
* * *
Йигит бошлиғи ҳузурига кириб деди:
— Тушдан кейин менга рухсат бериб турсангиз! Тоғам оламдан ўтди. Таъзиясига бормасам бўлмайди.
Рухсат берилди. Тушдан сўнг бошлиқ ўйингоҳга келиб ўриндиққа ўтирса, ёнида ишдан рухсат сўраган йигит ўтирибди.
— Ие, бу ерда нима қилаяпсан? Тоғангнинг таъзиясига кетмадингми?
— Озгина сабр қилинг! Ҳали ўйин тугасин, кўрасиз… Тоғам шу матчда ҳакамлик қилаяпти.
* * *
Футбол мусобақаси вақтида томошабинларнинг бири болакайдан сўради:
— Шундай қиммат чиптани қаердан олдинг?
— Дадам олиб берди.
— Дадангнинг ўзи қани?
— Уйда чиптасини излаяпти.
* * *
Икки чукча ўтириб олиб бомбани майдалаяпти. Ўткинчи деди:
— Вей, жиннимисанлар? Ҳозир портлаб кетади-ку!
— Ҳечқиси йўқ. Портлаб кетса, бизда яна битта бомба бор.
* * *
Чукча «КАМАЗ сотиб олинг!» қабилидаги рекламаларни кўравериб, охири шу машинани сотиб олишга аҳд қилди. Атайин Москвага бориб КАМАЗ сотиб олди ва бир йилдан сўнг уйга машинасиз қайтди. Ундан ҳамқишлоқлари сўрашди:
— Ие, машина қани?
— Э, яхши экан-ку, лекин итларим дарров чарчаб қолишаркан.
* * *
Чукча китоб дўконига кириб сотувчига деди:
— Менга ақлли чукча тўғрисидаги китобингизни кўрсатинг!
— Ундай китоблар фантастика бўлимида бўлади.
* * *
«Чукча-фильм» киностудияси уруш тўғрисида янги фильмни суратга олаяпти.
Эшик тақиллади.
— Ким у?
— Гестапо!
— Нима керак?
— Партизан керак.
— Қанақа партизан?
— Олег Кошевой деган.
— У ўрмонга варақа тарқатиш ва кўприкни портлатиш учун кетган.
— Унда келса: «Гестапо келиб сени сўради”, деб қўйинг!