Тошкент вилоятида 28 ёшли аёл 22 ёшли йигитни пичоқлаб ўлдирди…
Қотиллик жинояти шу йил 4 феврал куни Тошкент вилояти Паркент туманида содир этилган. Кечаси тахминан соат 22: 00 да 28 ёшли М. Ш. исмли аёл ишдан қайтаётганда, 22 ёшли А. Т. деган йигит билан ораларида жанжал юзага келган. Шу тобда аёл ёнидаги тахланадиган пичоқни олган-у, йигитга тиғ зарбаларини йўллаган. Шундан кейин аёл қочиб кетган. Йигитни касалхонага ётқизишди. Афсуски, врачларнинг саъй-ҳаракатларига қарамай, А. Т. оламдан ўтди.
Ҳозирда ушбу факт юзасидан жиноий иш қўзғатилган. Дастлабки тергов ҳаракатлари бошланган.