УКРАИНАДА 8 ЯШАР ҚИЗАЛОҚ КЕКСАЛИК ТУФАЙЛИ ОЛАМДАН ЎТДИ…
Ҳайрон бўлдингиз-а? Албатта ҳайрон бўласиз. Чунки 8 яшар бола қандай қилиб қарилик туфайли оламдан ўтиши мумкинлигига одамнинг ақли етмайди. Афсуски, шундай. Украинанинг Волын вилояти Камень-Кашщир туманига қарашли Качин қишлоғида яшовчи 8 ёшли Анна Сакидон «Хатчинсон-Гилфорд» хасталиги — эрта қариб қолиш хасталигидан азоб чекарди.
— Қизалоқнинг биологик ёши 70-80 атрофида эди, — дейди Волын вилоят болалар касалхонаси директори Сергей Ляшенко. — Бу хасталик бир йилда қизалоқнинг 8-10 ёшини еб битирарди. Бизнинг мамлакатда шу хасталик билан икки нафаргина қиз оғриганди. Дунё бўйича ҳисоблаганда, улар сони 100 нафардан ортиқ. Мана, икки қиздан бири тахминан 70-80 ёшида оламдан ўтди…
Бу хасталик билан оғриган болаларнинг териси биологик ёшига тўлиқ мос келади. Яъни, бола 8-10 ёшида 80 ёшли қария қиёфасига киради. Ички аъзолари ҳам худди териси каби эрта қариб қолади.