КАРАНТИН БАҲОНАСИДА БУХОРОДАГИ БОЛАЛАР БОҒЧАСИНИ ТУНАБ КЕТИШДИ…
Яқинда Бухоро шаҳри яқинидаги болалар боғчасига ўғри тушди. Ўғри коронавирус туфайли эълон қилинган карантиндан унумли фойдаланиш ниятида эди. Тўғри-да, боғчада ҳеч ким йўқ. Зоғ учмайди. Бир нимани ўғирласа ким билиб ўтирибди…
У бемалол ичкарига кириб телевизор, микротўлқинли печ, учта қозон ва яна майда-чуйда буюмларни ўмариб кетди. Қарангки, ҳаром ўғрига ҳам буюрмади. Уни қўлга олишди. Ўғри ўша ҳудудда яшайдиган 22 ёшли йигит экан. Энди бу йигит камида беш йилга қамалиши мумкин.