АЁЛ ВА УНИНГ УЧ ЎҒЛИ 10 КУН ИЧИДА КОРОНАВИРУСДАН ЎЛИМ ТОПДИ…
Улар Американинг Луизиана штатига қарашли Янги Орлеан шаҳрида яшарди. Коронавирусга чалиниш оқибатида она ва уч ўғил 20-30 март оралиғида оламдан ўтишди.
Она бўлмиш 86 ёшли Антуанетта Франклин (Antoinette Franklin) ва унинг 71 ёшли Герман Франклинлар каттаси (Herman Franklin), 58 ёшли Энтони Франклинлар кичиги (Anthony Franklin), 61 ёшли Тимоти Франклин (Timothy Franklin) исмли ўғиллари коронавирус қурбонига айланишди.
Ўғиллардан бирининг хотини Жаклин Франклин шундай деди:
— Мен бутун дунё билишини истайман. Франклинлар оиласи қандай балога йўлиққанини кўришсин. Бундай бахтсизлик ҳар қандай оилада ҳам кузатилиши мумкин. Шундай экан, келинг, вазиятга жиддий муносабатда бўлайлик. Эҳтиётимизни қилайлик. Токи ҳеч кимнинг болалари отасиз, ота-оналари боласиз қолмасин…
Яқинда ярим асрдан бери бирга яшаган америкалик пенсионер эр-хотин коронавирусга учраб бир кунда ўлим топишгани ҳақида маълумот берилганди. Фарзандларининг айтишича, улар жон бериш палласида қўл ушлашган кўйи ётишган ва шу ҳолатда Яратганнинг ҳузурига йўл олишган.