ИНТЕРНЕТДА КОРОНАВИРУС ДОИРАСИДА ЁЛҒОН АХБОРОТ ТАРҚАТГАН КИМСА ҚЎЛГА ОЛИНДИ…
Жиззах вилояти Шароф Рашидов туманида яшовчи 44 ёшли Ж. А. интернетдаги «Телеграмм» мессенжерида вилоят прокурори, унинг оила аъзолари ва даволовчи врачлар коронавирусга чалинганини баён қилган. Кейин эса «Коронавирус» тезкор штабига қўнғироқ қилиб интернетга қўйилган ёлғон хабарни оғзаки баён этган.
Бундан ташқари, у «Доктор-А» хусусий клиникаси врачларидан бири коронавирусга учраганига қарамай, беморларни қабул қилаётганини айтган. Агар чора кўрилмаса, тегишли ташкилотга шикоят қилишини ҳам қистириб ўтган.
Бу билан ҳам тўхтамаган. Жиззах вилоят СЭС марказига ҳам қўнғироқ қилган. Уларга ҳам ёлғон хабарини айтиб тегишли чора кўришларини талаб қилган. Агар талаби адо этилмаса, бу суҳбат ёзиб олингани, интернет сайтга жойлаштиришдан ҳам тоймаслигини таъкидлаган. Шу йўл билан суҳбатдошларни қўрқитган.
Яна Ж. А. «Телеграмм» мессенжерига карантин жараёнида ёзиб олинган, асосга эга бўлмаган икки аудиоёзувни жойлаштирган.
Ҳозирда ушбу факт юзасидан Шароф Рашидов туман ички ишлар бўлими тасарруфидаги тергов бўлими жиноий иш қўзғатган. Ж. А. қўлга олинган.
uznews. uz/ru