ДУБАЙ ПОЛИЦИЯЧИЛАРИ КОРОНАВИРУС ЮҚТИРГАНЛАРНИ АҚЛЛИ ШЛЕМ ЁРДАМИДА АНИҚЛАМОҚДА…
Бирлашган араб амирликларининг Дубай шаҳри полициячиларига ақлли шлемлар тарқатилди. Шлемлар кўчада коронавирусга чалинган, аммо буни сир тутиб юрганларни бир лаҳзада аниқлаб беради.
Айтишларича, шлем беш метр масофадан туриб бир дақиқада 200 кишининг тана ҳароратини ўлчайди. Бу шлемлар Дубайдаги барча-барча полициячиларга тарқатилган.
Бирлашган араб амирликларида ҳозирги кунга қадар коронавирус юқтирганлар сони 9, 2 минг нафардан ошиб кетди. Жами 64 киши оламдан ўтди.