Юртимизда ҳақиқий чилла бошландими?
Ўзбекистон гидрометерология хизматининг хабар беришича, бугун ва бутун ҳафта давомида юртимиз ҳудудлари бўйлаб паст босим майдони ҳукмронлик қилади. Бундай вазиятда ўта иссиқ ёки халқона тил билан айтганда ёз чилласига хос ҳарорат кузатилади.
Июнь ойининг сўнгги ўн кунлигидан тортиб 13 июлгача юртимизда мўътадил об-ҳаво кузатилган эди. Аммо энди бу оқим Туркманистон томондан Ўзбекистонга қараб келаётган иссиқ оқимга ўз ўрнини бўшатиб беради.
Ҳаво ҳарорати кечаси 21-24 даража, кундуз кунлари 37-40 даража иссиқ атрофида бўлиши кутилмоқда. Шимол, жануб ва чўл ҳудудларининг баъзи жойларида иссиқ 42 даражагача кўтарилиши мумкин.
Бутун республика бўйлаб булутсиз ва қуруқ об-ҳаво сақалинб туради, фақатгина тоғли ва тоғолди ҳудудларда 13-15 июль кунлари қисқа муддатли ёмғир ёғиб, момақалдироқ бўлиши мумкин.