Женевада дунёдаги энг катта пушти олмос сотилмоқда
Женевада дунёдаги энг катта пушти олмос кимошди савдосида сотилмоқда, деб хабар берди “Euronews”.
Маълум бўлишича ушбу олмос уч йил олдин Россияда қазиб олинган.
Михаил Фокиннинг «Атиргулнинг кўриниши» балети шарафига номланган ушбу олмоснинг массаси дастлаб деярли 27 карат бўлган. Ишлов берилганидан сўнг эса тош вазнининг тенг яримини йўқотган.
«Ушбу олмос тахминан 23 дан 38 миллион долларгача сотилиши мумкин, бу ҳар бир карат учун тахминан бир ярим миллионни ташкил қилади», – дейди “Sotheby’s” заргарлик буюмлари департаменти директори Бенуа Репеллен.