АҚШда PepsiCo ва Coca-Colа устидан антимонопол текширув бошланди
АҚШ федерал савдо комиссияси PepsiCo ва Coca-Cola ишлаб чиқарувчилари устидан антимонопол текширувини бошлади. Politico маълумотларига кўра, улар дўконларга маҳсулот етказиб беришда нарх дискриминациясига йўл қўяётган бўлиши мумкин.
Сўнгги бир ой давомида амалдорлар турли чакана савдо тармоқларига алкоголсиз ичимликларни қандай харид қилаётгани бўйича сўров жўнатган.
PepsiCo ва Coca-Cola нарх стратегиялари 1936 йилда қабул қилинган Робинсон-Патман қонуни бўйича текширилмоқда. Ушбу қонунга кўра, ишлаб чиқарувчилар барча чакана савдо мажмуаларига маҳсулотларни бир хил нархда етказиб бериши керак.
Федерал савдо комиссияси бу норматив акт бўйича 1988 йилдан буён текширув ўтказмаган.