УЕФА Туркияга ҳамдардлик билдирди
Европа футбол федерацияси (УЕФА) 5 февралдан 6 февралга ўтар кечаси минтақада юз берган кучли зилзилалар муносабати билан Туркия ва Сурия халқига ҳамдардлик билдирди.
«УЕФА ва бутун Европа футбол жамоатчилигининг барча эътибори Туркия ва Сурия халқи, шунингдек, бугун эрталаб содир бўлган даҳшатли зилзиладан жабрланганларнинг барчаси билан» – дейилади ташкилотнинг «Твиттер»даги саҳифасида эълон қилинган расмий баёнотида.
Зилзила эпицентрида Туркиянинг Қаҳрамонмараш вилояти бўлган ва бу ҳатто Туркияга қўшни Сурия ва Ироқда ҳам сезилган. Зилзила кучи 7,4 баллни ташкил қилган.