Пеленинг исми Бразилия луғатига сифат сўз туркумига айланди
Бразилия футбол афсонаси Пеленинг исми Бразилиядаги португал тили луғатига «энг зўр» иборасига синоним сифатида киритилди. Бу ҳақда Пеленинг ижтимоий тармоқлардаги саҳифаларида эълон қилинди.
«Баскетболда Пеле», «Теннисда Пеле». Шу пайтга энг зўрларга нисбатан ишлатиб келинган сўз луғат саҳифаларидан ўрин олди. Биз португал тили луғатига футбол қиролининг исмини киритиб қўйдик. Пеле сўзи энди «энг зўр» маъносини билдиради», — дейилади тарқатилган хабарда.
Эслатиб ўтамиз, Пеле 2022 йилнинг 29 декабрь куни 82 ёшида ҳаётдан кўз юмди. У 3 карра (1958, 1962, 1970) жаҳон чемпионлигини қўлга киритган ягона футболчи ҳисобланади.